جە شاروو پاریسوو پایتەختوو فەڕەنسایەنە ھێزی نیمەڕۆ، ھجوومێوە چەکڎاری کریان سەروو دلێنەو کولتووری کوردی .

 بە واتەو شاېەتحاڵا کەسێۋە چەکڎار دەسڕێژوو گوللاش جە گلێرگەکەی کەرڎەن، دماتەر "کۊفی شۊپ"ێۋە و وارڎەنگێۋە کورڎا کرېان ئامانج،  جە ھجوومەکەنە کوشیێ و زامڎارێ ھەن. ئێژاو واتەیا تاوانبارەکە جە لاېەنوو پۊلیسیۋە دەسگیر کرېان.

 ئەنڎاموو دەستەو وێڕاۋەبەریی کەجەکەی "زوبێر ئایدار" بە ئاژانسوو ھەواڵوو فوراتی(ANF) یش وات : سەرباروو ئانەی کە ھیچ ورڎەکاری و زانیارییێۋە دەربارەو ھجوومەکەی مەزانیۊ،  ۋەلۍ دیارا کە ئی ھجوومە ئاساېې نیا.

ئاېدار پەشتڕاسش کەردۆ: مەتاومۍ ئې ھجوومەېە بە ھجوومێۋە ئاسایی ھورسەنگنمۍ، ئینە نموونەو ئا ھجوومەینە کە 10 ساڵۍ چێوەڵتەر جە شاروو پاریسینە کریا . مەزانمۍ ئا کەسە کە گیریان کێن، ۋەلۍ مزانمۍ ئی ھجوومە جە لاېەنوو دەزگاو میتی و کۊنترا گەریلای ۋە، جە ئەنقەرەو پایتەختوو ترکیەی ئەرەگیریۋە بڕېارش سەر درېان .

 ئایدار سەرنجش ھوست سەرو ئەرە پەرسایۊ تایبەت بە تیرۊر کەرڎەو یەرۍ ژەنا کوردی کە جە ڕۊ دیارو ٩ و مانگەۋ کانون و دۋەم و ساڵەۋ ٢٠١٣ی جە شارو پاریسی و ئەرەپەرسایۊ جە ھۊڵ و تیرۊرکەرڎەو ۋەڕێۋەبەرا کوردی جە ۋڵات و بەلجیکای . ئایدار ماچۊ ؛ ھەرکەسۍ ھجومەکەش ئەنجام دابۊ پەشتەۋ ھجومەکەیۋە ئەنقەرە ھەن . ئەرە پەرسای 10 ساڵی ۋەڵینی بە ئێمەش نیشانە دان کە دلێنەۋ تیم و ترکیەی جە ئۊروپانە ئینا فەرەنسە .

 ئاېدار ئانەیچش وست ڕووە، کە فەڕەنسا وەرپەرسیاریەتییش ئینا گەرنەڎەننە، بە مەڵامەتوو کەمتەرخەمییش و نەگێرتەیۋەروو ڕاو ېاگەی پێویسی، وەرپەرسیاریی ھجوومەکەیش ھەن .

 زوبەیر ماچۊ: ئی ھجوومە بە ماناۋ ئانەی مۍ کە دۊڵەتوو ترکیەی ھجوومەکۍ ۋێش پەی سەروو وەرنیشت و پانیشتوو کورڎسانی فاڕێنێۋە پەی ئۊرووپای و ھجوومەکێش جە مەیڎانۍ وەروەڵانە فراوانتەرێ کەرڎێنۍ .

ئەنڎاموو دەستەو وێڕاۋەبەریی کەجەکەی "زوبێر ئایدا" ئانەیچش وات:  ئێمە ۋێچما و گەلەکەیچما پارێزنمۍ، ئی ھجوومۍ مەبا بە مەڵامەتوو تەرسۍ سەروو ۋێما و ھەم سەروو گەلەکەیما، چونکە بە هاگایی و زانایی زیاتەرۊ وەرانوەرشا مڎرمۍ .

ئاېدار داواش جە گەلوو کورڎی کەرڎ جە ئۊرووپانە جە چوارچوەو پیمانە دیموکراتییەکانە ھەڵۋێسوو وێشا نیشانە بڎا . داوا جە گەلەکەیما جە پاریسنە مکەرمۍ بلانۍ ۋەربەرەو گلێرگەکەی و خۊتانکەرڎەی جە زامڎارەکا بکەرا .

ھ . ئ