ئەندامەو کۆنسەو ڕاوەبەری کەژەکەی چیدەم دۆغۆوە ئەرەیاوناش مەرجا ڕابەر ئاپۆ ئازاد بۆنە پەی ئانەی تاوۆنە سیاسەت بکەرۆ. ئەندامەو ئەنجوومەنو پاژکی تێکۆشین ئۆزانیشە واتش، مشۆم جە گرڏ کەسێ زیاتەر ژەنی سەرمەشقایەتی ئی پرۆسە تازەیە بکەرا.
ئەندامەو کۆنسەو ڕاوەبەری کەژەکەی چیدەم دۆغۆوە و ئەندامەو ئەنجومەنو پاژکی تێکۆشین ئۆزانە جە بەرنامێوە تایبەتو مەدیا خەبەر تیڤیینە هورسەنگنایشا پەی پەیامە تاریخییەکەو ٢٧و شوباتو ڕابەر ئاپۆی کەرد.
چیدەمە باسش چانەیە کەرد کە داواکارییەکەو ٢٧و شوباتو ڕابەر ئاپۆی ئینا ئاستو مانیفیستۆدینە و واتش، مانیفیستۆیەکەش با جۆرەن کە کاریگەریش سەرو کۆو گەلا هەرێمەکەی هەن، بەجۆرێ پەی ئایندەو گەلا مۆرەو وێش جە تاریخی مڏۆنە. چیدەم دۆغۆوە ئاماژەس بە باسکەردەو تایبەتییەکا و ئێزتەیۆ دلێ داواکارییەکەو ڕابەر ئاپۆیش کەرد و دەستنیشانش کەرد کە بڕێ ئەرکێ هەنێ مشۆمخاس بیاومێشەنە و دماو ئانەی یاوامینە جابەجێش بکەرمێنە.
چیدەمە واتش؛ "دماو ماوێوە فرە جە ڕوانگەو جەسەیی وێنێوە ڕابەر ئاپۆیما وینا. حەر چنە وێنەیەکیچ کەم بۆنە بەڵام حەسرەتو وێما با وێنەیە ویەردە کەرد. سڵام جە ڕابەرایەتی و داواکارییە تاریخییەکەیش مکەرونە."
چیدەمە واتش ئا داواکارییەی کە کریا بەرهەمو تاریخوو ئەوەکۆشاو ٥٠ ساڵین، ئاماژەش بە ئەزموونیڤکەرد چا بوارەنە و دەستنیشانش کەرد پەنەوازا ڕوانگەکێ ڕابەر ئاپۆی فاڕمێنە بۆ شیکاری و بەهێزترین سیستەم.
داواکارییەکە ئەرکێوەن کە ڕابەر ئاپۆ وستەنش ئەستۆو وێش
دۆغۆوە ئەرەیاوناش داواکارییەکەو ڕابەر ئاپۆی هەرگێرو مانادارییی وەرفراوانییا و ئینەش وات: "مانیفیستۆیێن کە پەنەوازا هرڏو گەلا و پێکئامایەکا و بەشەکا وەرکەوتوو دلێڕاسەی بە خاسی و درووسی چنەش یاوانە. ئێمە پی جۆرە هورش سەنگنمێنە. پێسەو تەڤگەرو ژەنا کوردی ئینەی پێسەو ئەرکێوە وینمی کە ڕابەر ئاپۆ وستەنش ئەستۆش. بەبێ ئانەی بۆنە یاگێ مشتومڕی تاومێنە داواکارییەکەیش بە چ جۆرێ وسمێ پراکتیکو وێماوە، چنین سەرش وسمێ؛ ئینە ڕۆژەڤو بنەڕەتی تەڤگەرو ژەنێن."
دۆغۆوە واتش، مەرج و پەنەوازا ڕابەر ئاپۆ جە هەلومەرجی ئازادەنە بۆ پەی ئانەی تاوۆنە سیاسەت بکەرۆ، هەرمانەکا کەرۆنە، پەیوەندییەکا بنیۆرە، جە تەندروستیی خاس و سەقامگیرەنە. دۆغۆ جەختش چانەیە کەردۆ گرڏو ئینیشا گەرەنتی بەردەی ڕاوەو پرۆسەکەین.
چیدەم دۆغۆوە دەسنیشانش کەرد مشۆم هەڵمەتەو ئازادی ڕابەر ئاپۆی بەردەوام بۆنە و واتش: "سەرو بنەماو سەروستەو ئی هەڵمەتێ، مشۆم هەرمانە کەرمێنە. مشۆم گرڏو هێزو وێما سەفەربەر بکەرمێ و بەشداربییەی جە پرۆژەو گلێرگەی دیموکراتیکی، هەوڵدای پەی سەروستەو ڕوانگەو گلێرگەو دیموکراتیکی و ئاشتی بۆ بە ڕێبازێوە بنەڕەتی ئی پرۆسەیە."
چیدەم دۆغۆوە داواش جە گەلوو کوردی، گەلوو تورکیای، گەلوو وەرکەوتوو دلێڕسەی، هێزە شۆڕشگێڵەکێ، دیموکراتیکەکێ، چەپەکان، فیمینیست، ئەنارشی، ئیکۆلۆژی، دۆسا و ئەنتەرناسیۆنالیستەکێ کەرد سەرو بنەماو سەروستەی و پێکئاماو ئازادی ڕابەر ئاپۆی بە بەهێزییۆ بەشداری پرۆسەکەی بیدێ.
داواکارییەکەش مانیفێستێوە ژیوایێ کۆمەڵایەتییا بە سەرمەشقایەتی ژەنا
ئەندامەو ئەنجوومەنو پاژکی، تێکۆشین ئۆزانە ئەرەیاوناش بە قوربانی گۆرە یاوێنمێ پی ئاستەیە و واتش: "قوربانی فرە دریا تاوەکو ئەوەکۆشای یاوۆنە ئی ئاستە، ئێمە فرەترین قوربانیما دا. پێسەو تەڤگەری، چێرو چەترەو ئی تەڤگەرەینە کە ڕابەرایەتی سەرمەشقایەتیش مکەرۆنە، قوربانیێ گۆرە دریا. چنین گەشمەرڏێما دێ. گەرەکما جارێوە تەر واوەیش بکەرووە، ئێمە دڵسۆزێ بیمێ پەی یادو گەشمەرڏاما، جە پرۆسەو تازەو ئەوەکۆشاینە، هەرمانێ مکەرمێنە کە شایستەو یاڏو ئایشا بیمێ".
ئۆزانە ئەرەیاوناش کە هەر بەشێوە پەیامەکەو ڕابەر ئاپۆی پێسەو مانیفێستۆیەن و واتش: " جە پەیامەکەنە بە ڕۆشنی باس چانەیە کریان کە جە ئایندەنە پەنەوازا چێش کریۆنە. ئەرەیاویا کە چی پرۆسەکە یاوان ئی ئاستە، چی داواکاریێ چی جۆرە کریان. کاتێ وشە بە وشە چنەش ئەوەکۆڵمێوە، مرۆڤ تاوۆنە شوێنەوارو ئاستو سیاسی و ئایدیۆلۆژی و پێشئاماکا تاریخو ئەوەکۆشایما وینۆنە. ئینە فاڕییایێ تاکتیکی نییا؛ ئینە فاڕییایێ پارادایمیا. هەنگامێ ڕۆشنا بەرەو فاڕییایی پارادایمو ژیوای تازە. ڕابەرایەتی کاتێ پارادایمو مۆدێرنیتو دیموکراتیکیش خوڵقنا، وێش نامێش نییا. جە پارێزنامەکاشەنە ئەرەیاونانش کە پەنەوازا ئەوەکۆشای بە کەڵک هورگێرمێنە جە ڕێبازیپو دیموکراتیکی و ئەوەکۆشای دیموکراتیک بلۆ ڕاوە. هەرپاسە جە شیکارییەکاشەنە سیاسەت و ڕێبازی پەیوەندی و گەشەکەردەو کلتووری جە ڕوانگە تاریخییەکانە ڕۆشن کەردۆ.
ئی هەنگامێ پێسەو داواکاریێ "ئاشتی و گلێرگەی دیموکراتیک" پێناسە کریۆنە، نەک تەنیا داواکاریێ نییا پەی "قۆناغێوە سیاسی".
هامکات پەیوەس بە سیاسەت و ڕێبازو پەیوەندیی کۆمەڵایەتی، شێوازو ژیوایا پەی سەدەو بیس و یەکەم، مانیفێستۆو شێوازێ ژیوای کۆمەڵایەتییا کە ژەنی سەرمەشقایەتیش مکەرا".
تێکۆشین ئۆزانە ئەرەیاوناش کە دەورو ژەنا فرە گرنگا و واتش: "دیموکراسی چێوێن کە کەسێ سەرکەوتوێ متاوانە بەدیش بارانە. ژەنی ئەرەمەزنێنەرو گلێرگەینی، پۆکەی زوانێ گشتگیرو تایبەت بە وێشا هەن. ئی خاکەڕاییشا یان لاوازی نییا، گوزارشت جە جۆرێ تەرو هێزی مکەرۆنە".
