جۆی بایدن سەرۆکو ئەمریکای ڕۆو یەرە شەممەی بە قەرارێوە چەمەڕانەکریا کوباش جە 'لیستو سیاو ئەمریکا'ینە بەر ئارڏ. وەرپرسێوە باڵاو ئەمریکای ئاشكرش کەرد قەرارەکە جە لایەنو کۆشکی سپییۆ بە یاداشتێوە فەرمی مۆرکریان و دەسنیشانش کەردەن کە قەرارەکە بۆ بە هاندای پەی وەرداو چنین سزادریێ.

دماو قەرارەکەی، لاو وێشۆ کوبا ئاشکراش کەرد جە ماوێوە نزیکەنە ٥٥٣ زینانیێ ئازادێ کریا، وەزارەتو دلینەو کوبای ئاماژەش پانەیەدا وەردای سزادریاکا هەنگام بە هەنگام  ئەنجام دریۆنە.

ئی قەرارەو  بایدنی ئینا کاتێنە تەنیا حەفتێوەش مەنەن پەی دەس بەکاربییەو دۆڵاند ترەمپی پێسەو سەرۆکو تازەو ئەمریکای، کە چەمەڕوان کریۆ پارتەکەو ترەمپی کاردانەوەی تنشا بۆنە جە وەراوەرو وەرپرسە کۆمەنیستەکا کوبای.

دۆناڵد ترەمپ جە دەورو دووەمو سەرۆکایەتییەکەیشەنە بە قەرارێ جە تشرینو دووەمو ٢٠٢١نە هەریۆ جە وڵاتا کۆریای سەرنیشت، ئێران، کوبا و سووریایش وست لیستو سیاو ئەمریکایۆ.