١٤و حوزەیرانو ٢٠١٨ ی جە پیرسوسنە، هامژین و دووۍ کوڕۍ ئەمینە شەنیاشارۍ جە لایەنو پاسەوانا و قەومەکا پەرلەمانتاری وەڵینو ئاکەپەی ئیبراهیم خەلیل یەڵدزیوە کوشیۍ و کوڕێوەیچش گیریا. چالاکیی ئێشکگیریی دادپەروەری ئەمینە شەنیاشارۍ ۋەردەمو پەرلەمانینە ٣٢ ڕوێن بەردەواما.

ئەمینە شەنیاشارە لافیتەو "دادپەروەری"ش هۊرگێرت و واتش: "دادپەروەری نییا. تەنیا ستەم مکەردۍ. ٧ ساڵێن شۊنەو دادپەروەریرە مگێڵو. ئانۍ کە خەسەخانەنە کوڕەکۍ منشا کوشتۍ ئازاڎێنۍ و کوڕۍ تەرم بە زامڎاری گێرتشا. داواو دادپەروەری پەی گرڎ کەسۍ مکەرو. تا بەدیئامای دادپەروەری، چۍ نمەلو. ئەگەر مرویچ، چۍ مرو".