کۆنفڕانسە رۆنامەوانیەکە جە سەلانیک جەلایەن و ٨ ئەکادیمیسیا و رێکوزیایا مەدەنیوە سازکریابۍ.

 

جە زانشتگەو ئاریستۆتەلەسی و مەکەدۆنیا ئاندریاس تاکیسی، جە زانشتگەو ئاریستۆتلەسی سەلانیکی زانای سیاسەت دیمیتریس سپیرپۆلوس، ئەنڎاموو دەسوەڵېوستەی پارێزنەرا ئەڵترناتیڤ تیۆدریس پاپادوپۆلوسی، ئەنڎاموو کلینکی پستویانی کۆمەڵایەتی سەلانیکی یانس راپیتس، جە دکتۊرا خەسەخانەو سەلانیکی دکتۆر ستاسیس گیاناکوپلوسی، ئەنڎاموو سە ڤوم ماکیس ئاناگنوستو، سەرۆکوو جەمەو موزیکژەنا سەرنیشتوو یۆنانی دیمیتریس زەرڤوداکیس، جە جەمەو کرێکارا کاغەزوو کتێبی و جە زانشتگەو ئاریستۆتەلەس پاناگیۆتس خۆپلیدسی بەشڎارییشا جە کۆنفڕانسە رۆنامەوانیەکەینە کەرڎ.

 

قسەکەرەکۍ بە پوختی پی جۆرە قسېشا کەرڎۍ:

 

دیمیتریس سپیرۆپلۆس:

 

" جە روانگەو منۊ ئەگەر دووۍ گەلۍ پېسە ڕەمزی پۍ کۊشیای و مدرامانی تاریخی سەردەمیانەی هۊرچنمۍ ئاڎېچ گەلوو فەلەستین و کورڎین".

 

"عەبدوڵا ئۆجالان جە لایەنوو ملۋېنان کورڎاوە پېسە نوێنەری سیاسی ۋینیۊ".

 

"ئامانجوو جمیەری کورڎی چېشا؟ جمیەروو کورڎی ساڵانێوە فرەن کە وەشکەرڎەی دەوڵەتی کورڎیش بە بنەما نەگرتەن"

عەبدوڵا ئۆجالان دیموکراسی راستەوخۆ، فرەڕەنگی کۆمەڵایەتی، ئازاڎیی ژەنۍ و بەهاکا ئیکۆلۆژیکی واوەی وزۊ ڕووە".

"پەشتیوانی پۍ رابەروو کوردی و کۊشیای رەواو گەلوو کورڎی پۍ دیاریکەرڎەی چارەنویسی، جە ئاستی میان نەتەوەینە ئی داواکاریا وزمۍ ڕووە:

-پېسە هەنگامەی یۋەمۍ ڕا بڎریۊ کە خانەواڎە و پارێزنەرا عەبدوڵا ئۆجالانی بتاوا چەمشا پنەش گنۊ.

-پۍ ئانەی بتاوۊ جە چارەسەری پەرسوو کورڎینە دەوری گرنگ گېڵنۊ مشۊم بەمەرج ئازاڎ کریۊ.

ساتیس گیانۆکۆپۆلوس

" زینڎانوو ئیمراڵی دلۍ سیستمی یاسایی تورکی و چوارچێوەو سیستمی یاسایی جەهانینە نییا. جە حیچ یاگېنە زینڎانێوە پا جۆرە بیەیش نییا. پۍ نمونەی ئەگەر شمە جە تورکیانە زینڎانۍ بیدۍ پارێزنەر متاوۊ گرڎ ڕووۍ سەردا ۋنە دۊ ، بەڵام جە ئیمراڵی چېۋېوە پا جۆرە بیەیش نییا"."دمایین جار جە ٧و ئابوو ٢٠١٩ینە ڕا بە پارێزنەرا عەبدوڵا ئۆجالانی دریا کە دیڎارش چنی ئەنجام بڎا. چا وەختۊ زیاتەر جە ١٠٠ جارا داواکاری پێشکەش کریان، بەڵام وەزارەتوو داڎوو دەوڵەتوو تورکی جوابشا مەڎۊوە".

ماکیس ئاناگنۆستو:

"ئێمە چنی گرڎ حۊڵېنمۍ پەی چەسپنای مافوو چارەی ۋېنویستەی".

"عەبدوڵا ئۆجالان پەی پېوەرە ژیۋای گرڎوو گەلا بە رەنگ و تایبەتمەندیەکا ۋېشاوە، پێشنیاز وزۊ ڕووە. ئێمەیچ بەهەمان مەڵامەت درێژە بە کۊشیایما مڎەیمۍ".

"کاربەدەسا تورکی کە ڕا بە دیڎاری مەڎا، ۋەروو ئانەی مافوو سزادریایا ڕەڎکەراوە، مشۊم جە لایەن و گلېرگەی میان نەتەوەییەوە فشارشا وزیۊ سەر".

"ئێمە داوا جە گرڎوو ڕېکوزیا میان نەتەوەییەکا کەرمۍ کە دەموودەس دەسوەردای چا ئاژەنە کەرا".

پاناگیتۆس خۆپۆلیدیس:

ئێمە داوا جە گەلی، جە چینوو کرێکارا کەرمۍ کە پەی داکۆکی جە عەبدوڵا ئۆجالانی و گەلوو کورڎی یەکدەنگۍ با".