مەجلیسو گرڏینەو پەیەدەی ئەرەیاوناش، جە هرووژمێوە دۆڵەتو ئەرەگیرو تورکی پەی سەرو تشرین، مەنیجە حاجۆ حەیدەرە ئەندامەو مەجلیسو گرڏینەو پارتەکەی و هامسەرۆکەو بارەگاو قامیشلۆی گەشمەرڏێ بیێ.
مەجلیسو گرڏینو پارتو یۆبییەی دیموکراتیکو پەیەدەی، جە بەیاننامێوە نووسریانە، شناسنامەو مەنیجە حاجۆ حەیدەرێ، ئەندامەو مەجلیسو گرڏی پەیەدەی و هامسەرۆکەو بارەگاو قامیشلۆو پەیەدەی ئەرەیاوناش.
جە بەیاننامەکەنە ئامان:
"ماوەو ٣٨ ڕوان هرووژمێوە سیستماتیک پەی سەرو هەرێمەکا سەرنیشتوو و وەرکەوتوو سوریای ئەنجام دریۆنە، بە مەڵامەتو هرووژمەکاوە چێرخانو ناوچەکەی بییەن ئامانج، بەتایبەت بەنداو تشرینی کە شادەمارو ژیواو ملیۆنان کەسا بییەن ئامانج. ئی هرووژمێ نە تەنیا هەڕەشێ جە سەقامگیری و ئاشتی ناوچەکە مکەرانە، بەڵکووم ئامانجش بەدیئاردەو پلانە ئەرەگیرییەکا دۆڵەتو تورکین پەی زینە کەردەیۆ ئیمپراتۆریەتو عوسمانی بە دلێنە بەردەی گەلا سەرنیشتوو و وەرکەوتوو سوریای.
چنی بەردەومی هرووژمە دڕندانەکا، بەڵام ڕۆژانە قەسەدە و یەپەژە داستانێ قارەمانێتی تۆمار مکەرانە و ئی مڏرامانەیشە سەرو بنەماو ئیرادەو گەلا هەرێمەکەی ملۆڕاوە و بە حیچ جۆرێ تەسلیم بییەی قەبووڵ مەکەرانە و خاوەنداری جە هێزەکاشا مکەراوە. ئا مڏرامانەی کە تا ئیسە جە بەنداو تشرینی بەردەواما، نەک تەنیا جەنگو پارێزناو گەلیا، بەڵکوم جەنگو بییەن و تاریخا پەی ئازادی و شکۆو گەلا ملۆڕاوە.
دۆڵتو ئەرەگیرو تورکی بە فڕۆکەی جەنگی هرووژم مکەرۆ سەرو هاموڵاتیا مەدەنی کە بەنداوی تشرینینە ئینێ ئیشکگیرینە. ئارۆ دۆڵەتو تورکی جارێوە تەر هرووژمش کەرد سەرو گەلی و کۆمکوژییی دڕندانەش ئەنجامدا. جە ئەنجامەنە ٤هاموڵاتیێ مەدەنی گەشمەرڏێ بیێ و هاموڵاتیێ فرێش زامڏارێ بیێ. گرڏو ئی هرووژمێ بەمەڵامەتو بێدەنگی جەهانیۆ ڕوەمرانە. ئی تاوانێ پێشێلکارییەکی ئاشکرایە دژی مافەکانی مرۆڤ و یاسا جیهانییەکان و بە تاوانەکانی دژ بە مرۆڤایەتی ڕژێمی تورک زیاد دەبن.
ئێمە پێسەو مەجلیسو گشتیگرڏی پەیەدەی، بە خەمگینیۆ کۆچی دماینو ئەندامەو مەجلیسو گرڏی پارتەکەی و هامسەرۆکو بارەگاو قامیشلۆو پەیەدەی، مەنیجە حاجۆ حەیدەرە گەشمەرڏەبییەو ٣ هەمڕێ تەرێ جە ئیشکگیریی بەنداوەکەی ئەرەیاونۆنە.
هەڤاڵ مەنیجە هێماو فیداکاری و ئەوکۆشای بێ. بە درێژایی ژیوایش بە وەرپرسیاریۆ وەراوەرو بە دۆزو ژەنێ و دۆزو گەلەکەیش هۆرسۆڕیێ و هەتا دمایی بەبێ دوودڵی خزمەت بە گەل و دۆزەکەیش کەرد.
ئێمە پێسەو مەجلیسو گرڏی پەیەدەی بە تنی ئی کۆمکوژییە دڕندانەو دۆڵەتو ئەرەگیرو تورکی دژو گەلا سەرنیشتوو و وەرکەوتوو سوریای شەرمەزار مکەرمێ و داوا جە گلێرگەو مییان دەوڵەتی و ڕێکوزیا یاسایی و مرۆییەکا مکەرمێ کە بە وەرپرسیاریۆ مامەڵە چنی دۆخەکەی کەرانە و دامی بە هرووژمە دڕندانەکا دۆڵەتو تورکی دژ بە گەلەکەیما بارانە.
پێسەو مەجلیسو گرڏی پرسە و سەرەوەشی وێما ئاراسەو بنەیانەو گەشمەرڏە و گرڏو بنەیانەو ئا گەشمەرڏا مکەرمێ کە جە مڏرامانو بەنداو تشرینینە گیانو وێشا جەدەسدا و هیواو زوو خاس بییەیۆ پەی زامڏارەکا وازمێنە. دیسان ئەرەیاونمێش کە ونەی پاکەتا پەی ئازادی بۆ بەڕۆشنای پەی گەلەکەیما.
