دەسەو ڕاوەبەریی یەپەسە – یەپەسە ژەنی بە ڕێزۊ یاڎوو ٧هەمین ساڵیاڎوو گەشمەرڎەبییەی فەرماندە زریان دەنیزێش کەرڎۊ و ئەرەیاوناش، "هامڕا زریانە بە هەڵوێستی فیڎاییی ئاپۊیی میراتێوە گەورەو مدرامانیش تا ئارۊ پەی جیا ئاستێنمۍ."
دەسەو ڕاوەبەریی یەپەسە – یەپەسە ژەنۍ بەیاننامێوەش بە بۊنەو ٧هەمین ساڵیاڎوو گەشمەرڎەبییەی زریان دەنیزێوە وەڵا کەرڎۊ، کە جە مدرامانوو وێڕاوەبەرینە گەشمەرڎۍ بییە.
دەسەو ڕاوەبەریی یەپەسە – یەپەسە ژەنۍ ئەرەیاوناش، "گەلەکەما، کە نکۊڵی جە بییەیش کریان و ئازاڎییش زەوت کریان، زیاڎتەر جە ٥٠ ساڵان بە سەرمەشقایەتیی ڕابەر ئاپۊی پەی ئازاڎی کۊشیۊ. ئی جەنگە جەنگوو پارێزنای بیەی و مسۊگەرکەرڎەی ئازاڎییشا. چا وەختۊن دەوڵەتی فاشیستوو تورکی ئەرەمەرزیان، حەوڵی مدۊ گەلەکەیما بە گرڎ نۊعە سیاسەتێوە نکۊڵیکەرڎەی، دلێنەبەرڎەی و سڕیەیۊ، کۊکوشی و پاکتاوکەرڎەی، بە یاسایەکاش دوور وستەیۊ، ئەرەنیشتەکەرڎەی گەلەکەیما تەرسنۊ. سیاسەتوو نکۊڵیکەرڎەی، کە ساڵەهای ساڵێن بەرڎەواما، بە پیلانەو سەرەپەنەکۊمنایرەی، کە جە ساڵەو ٢٠١٤ۊ ئامادە کریان، لوا دلۍ دیدوو دڵیوە تازەیۊ. جە چوارچووەو ئا دید و چەمکانە، ڕژێمی فاشیستیی ئاکەپە - مەهەپەی هجوومی دڕندانەش دەس پەنە کەرڎ، کە حیچ یاگێوەنە نموونەش نییا. دەوڵەتوو تورکی، کە پلانۍ و حساباتەکێش سەروو بنەماو دلێنەبەرڎەی گەلوو کورڎی و جمیەروو ئازاڎی متێنێرە، وەلۍ بە مرڎایۊ و مدرامانوو زریانەکاو چیاگەرەکا تووشوو شکسی گەورەی بییەن و پلانەکاو دلێنەبەرڎەی و سەرەپەنەکۊمنایرەیش پووچەڵۍ کەرڎێوە".
جە ئەرەیاوناکەو دەسەو ڕاوەبەریی یەپەسە – یەپەسە ژەنێنە ئامان:
"مدرامانی تاریخیی وێڕاوەبەری بە هەڵوێستێوە دژوو دلینەبەرڎەی بییەی و ئشناسنامەو کورڎی جە ساڵەکاو ۲۰۱٤-۲۰۱٥ بە مدرامانێوە شکۊدار و گەورە و جە لاو سەدان قارەماناو کورڎسانیوە ڕووەش دا. گەلی وەڵاتپارێزن و کۊشەر، ژەنی، گەنجۍ و بەتەمەنەکۍ، جە مدرامانوو جزیر، سور، نسێبین، شرنەخ، هەزەخ و گەڤەرینە بە هەڵوێستوو وێشا دژوو فاشیزمی، دڵسۊزیی وێشا بە نرخ و بەهایەکاو وێشا نیسانەشا دا. جەنگوو گەنجە قارەمانەکاو کورڎی دژوو تەکنەلۊژیای بەرزوو دەوڵەتوو تورکی بە دڵ و دەسی بەتاڵ و فیڎاکارانەیشا بی بایسوو ئانەی، کە دەوڵەتوو تورکی تووشوو سەندرۊمی و نەوەشی و شۊکی کەرۊ. ئا مدرامانە، کە لاو فەرماندە ئەفسانەیی تاریخیوە نیشانە دریان، پێشەنگەکاو گەلیچش ئاشکرا کەرڎۍ. زریانە، چیاگەر، نوجان، ئاخین، خەباتکار، بەرفین، محەمەد تۊنج، ئاسیا و فرە جە گەشمەرڎە وەرگێریکارەکاما کە جە مدرامانوو وێڕاوەبەرینە وێشا کەرڎ بە فیڎایی، جە شرنەخ، جزیر، سور، نسێبین، هەزەخ، گەڤەر و فرەو مەنتێقەکانە و شارەکانە بۍ سەرمەشقۍ دلۍ خەڵکی و دوژمنینە سەندرۊم و گێژاوەشا وەشە کەرڎە بیۍ سەندرۊم و گێژاوەشا وەش کەرڎ بیۍ سیمبول و یاڎگەی و مۊنۊمێنتێوە پەی مدرامانی. فەرماندە زریان دەنیز ئامەدە یووەبۍ جە پالاوانە بیشمارەکاو ئا مدرامانە گەورەیە، کە نامۍ وێش بە پیتە ئاڵتوونییەکا تاریخەنە تۊمار کەرڎە.
هامڕا زریانە، کە جە وەختوو مدرامانوو وێڕاوەبەرینە، جە حەر کۊڵان و جادێوەنە داستان و چیرۊکۍ قارەمانی و ئەفسانەییشا چەنە تۊمار کەرڎ، جە فەرماندەیی یەپەسەو شرنەخینە بۍ، بە هەڵوێستی کۊشەرانەو وێش، بە ئیرادە و ورە و هامڕایەتیی وێش یاگێوە بەرزە و گرنگەش دلۍ گەلوو شرنەخی و مدرامانینە بەدەس ئاورڎ. فەرماندە زریانە جە گرڎ دەرفەتێوەنە بە تاکتیکە جەنگییە ئارڎەینەرەکاو وێش هجووم کەرۍ سەروو دوژمنی و گورزی گەورەشا وەنە دۍ و تا دما هەناسەش گرڎوو سەنگەرەکاش کەرڎۍ بە قەڵاو مدرامانی. جە وەختوو مدرامانینە هەڵوێستی مدرامانوو وێش پەی گرڎ لایۍ بییەبۍ بە ڕۊشنایی. بە دەنگوو هەلهەلەکاش هێز بە مدرامانی بەخشۍ و پەی دوژمن بیەبۍ بە شەوۍ. هامڕا زریانە بە هەڵوێسوو وێپارێزنای ئاپۊیی میراتێوە گەورە ومدرامانش تا ئارۊ پەنە بەخشایمۍ. جە ژیوای وێشنە و هەم جە مەیڎانوو جەنگینە بە هەڵوێستی پتەو و پاگیرەکەرڎەیۊ و خاکیبییەی وێس جە دڵوو هامڕاکاش و گەلەکەیشنە تەختێوەش وەش کەرڎەبۍ. جە ئایدۊلۊژیاو ئازاڎیی ژەنانە دەوری سەرەکییش بۍ . بە مدرامانوو وێش ئانەش ئێمە نیشانە دا، کە ژەناو کورڎی چند وڵات و خاکوو وێشا وەششا مسیۊ، مشۊم داکۊکی جە ئازاڎیی وێشا کەرا. زریانە بییە بە نامۍ مدرامانی و وەرگێری، ئیرادەو مدرامانوو زریانۍ زاپنە بی بە مەلسا، ئاڤزەم، جە ئاڤاشینیچنە بی بە ئارین و نودا. جە مێرسیننە بی بە سارا، ڕوکەن و پێسە خەتەو سەرکەوتەی بە حەر چوار لاو کورڎسانیرە وەڵا بیۊ دا.
هامڕا زریانە، کە سەرەکییش جە بنیاتنیای یەپەسە ژەنێنە و خولقنای ئیرادەو مدرامانوو وێڕاوەبەرینە گێڵنا، ڕاش پەی سەرکەوتەی گەورەی وەشە کەرڎە. ئێمە پێسە هامڕایەکاش، گەورەتەرین وەعدما ئانەن، کە ئێمە سەروو ڕێکێشۊ بلمۍ و کۊشیایما بە سەرکەوتەی یاونمی. ئێمە پێسە دەسەو ڕاوەبەریی یەپەسە – یەپەسە ژەنۍ جە ٧هەمین ساڵیاڎوو گەشمەرڎەبییەی هامڕا زریان دەنیزۍ، فەرماندەو هەڵوێستی، ئیرادەی و هۊشمەندیی ئاپۊییوە، بە ڕێز و وەشەسیاییوە و پەنەزانایۊ یاڎ کەرمێوە. ئێمە وەعدوو وێما دووەپات کەرمێوە، کە بیمۍ درێژەپەنەدەرەو ڕاو گرڎوو گەشمەرڎاو مدرامانوو وێڕاوەبەری بەتایبەتی زریان دەنیزە و هەقەو گرڎوو گەشمەرڎا کەرمێوە."
س.ز
