یەپەژە تیشکەش وستە سەروو هجوومەکاو دەوڵەتی ئەرەگیرکەروو تورکی و واتش چەتەکاو داعشی پانیشتەنە منریارە. یەپەژە داواش جە ژەنا و گەلا و پێشمەرگەی و هێزە میاننەتەوەییەکا کەردە و واتش: "کۆشیای وێما بەڕادیکاڵانە مکەرمێ".
فەرماندەیی گردینوو یەکینەکاو پارێزنای ژەنێ (یەپەژە) پێوەس بە چەتەکاو داعشیوە، کە دەوڵەتی ئەرەگیرکەروو تورکی پەی جەنگی دژوو گەریلا ی کیانێنێش پەی پانیشتوو کوردستانی کۆنگرێوی ڕۆنامەوانییش بەست.
کۆنگرە ڕۆنامەوانییەکەنە دا ئەندامەو فەرماندەیی گردینوو یەپەژەی سۆزدار دێرکە، قسەکەرەو یەپەژەی ڕوکسەن محەمەدە و هامسەرۆکەو دەسەو پارێزنایی کانتۆنوو ڕەقەی سەمیرە ئەحمەدە ئامادێ بێنێ، کە چوارڕاو ئەلنەعیمینە شاروو ڕەقەینە کریا.
سۆزدار دێرکە ئەرەیاونایەکەیش واناوە و ئاماژەش کرد بە سیاسەتەکاو نکۆڵی و پاکتاوی، کە جیهانشا گێرتەنۆ، جەختش کەردۆ، کە ئینسان قەیرانێوی سەختەرە ملۆنە، وەراوەروو ئا گەلاوە کە ئازادی و دیموکراسی و دادپەروەری موازانە، بەرێوی فراوانوو قڕکەردەی و دەسدرێژی و تندوتیژی کریانۆ.
سۆزدار دێرکە جەختش کەردۆ، کە داعش ئینا چی بەرەنە، تیشکەش وستە سەروو کۆکوشییەکاو داعشی سوریا و عێراق و سوریا و شەنگال و کوردستان و وەڵاتاو ئەورووپاینە.
تیشکەش وستە سەروو کۆشیایی یەپەژەی دژوو داعشی و واتش: "هەزارا هامڕێما فیداکارانە گەشمەردێ بیێ، بەڵام پاما سەرووجەنگەکەی گێرتەرە، مدرامانما کەرد، تا داعشما سەروو جوگرافیاکەیماوە دلێنە بەرد و ئارامیما پەی گەلەکەیما ئارد.".
سۆزدار دێرکە واتش کە دەوڵەتوو تورک چەتەکاو داعشی مبەرۆ پانیشتوو کوردسانی و تا جەنگوو گەریلای بکەرا، واتش: "دەوڵەتی ئەرەگیرکەروو تورک بە سەروازەکاو وێش و چەتەکاو داعشی و هامکاریی بنەیانەو خائینوو بارزانی، چەنی چەتەکاو گوڵانی و زێرەڤانی گەرەکشەن خاکوو پانیشتوو کوردسانی ئەرەگیر بکەرۆ"
ئاماژەش پانەیە کەرد، کە چەتەکاو داعشی مەنتێقە ئەرەگیرکریایەکاو وەرنیشتی و سووریاینە، لاو دەوڵەتوو تورکیوە فێرێ مکریا و زەڕدارێ مکریا، تەماموو کوردسانی و جیهانینە وەڵێ مکریانێوە، واتش: "بەردەی داعشی تەنیا پەی پانیشتوو کوردستانی تەنیا پەی لکنای و ئەرەگیرکاری و کۆچبەرکەردەی و کۆکوشیی تازەین ".
ئاماژەش پانەیە کەرد کە گەریلاکاو ئازادیی کوردستانی پانیشتوو کوردستانیشا جە دڕندەیی داعشی پارێزنا، گرد لایێوە ویرشانە کە بارزانی داواش وەنەو گەریلای کەردە پەی پارێزنای هەولێری و واتش: "ئارۆ بە چە ڕوێوە داعشی مارانە پانیشتوو کوردسانی و پەی جەنگوو گەریلای بەکارێشا مارا.
ساڵانێوەن پێشمەرگە شکۆمەندەکێ پەی پارێزنایی خاکەکەیشا دژوو فاشیزمی و دیکتاتۆریەتوو سەدامی٧ مگژیانە، پەنەوازا هێزوو پێشمەرگەی بزانۆ کە جەنگوو ئارۆیچ پەی هەمان ئامانجی مکریۆ و هامکاریی بنەیانەو بارزانی و پەدەکەی قبووڵ نەکەرانە کە مێمانداریی چەتەکاو داعشی مکەرا. ئینە بابەتوو شکۆین، گەلوو پانیشتی بەتایبەتی ژەنی و گەنجێ نمەبۆ ئی خیانەتی و هامکارییە قبووڵ بکەرا. ئێمە کۆبانێنە چەنی پێشمەرگەی و شۆڕشگێڵنە ئەنتەرنناسیۆنالیستەکا، پێوە جەنگوو داعشیما کەرد و ماڕاما، ئارۆ مشۆم بە هەمان ڕۆح کوردستانی و وەرکەوتوو دلیڕاسەی و جیهانی بپارێزنمێ".
تیشکەیچش وستە سەروو ناڕەزایەتیی پارتەکاو کوردستانی وعێراقی و عەشیرەتە عەرەبەکاو عێراقی دژوو ئەرەگیرکاری، ئەوەخوایش ژکەردۆ کە مشۆم ئی ناڕەزایەتییە بۆ بە هەڵوێست و پەی راگێڕیی وەردەموو ژیوایۆ دڕندەکاو داعشینە و شکشتئاردەی بە دەوڵەتی ئەرەگیرکەروو تورکی. داواش جە حکوومەتوو عێراقی و پانیشتوو کوردسانی کەردە، کە ڕا نەدانە چەتەکاو داعشی بەیانە دلێ خاکەکەیشا و نەبانە هامکاروو ئی تاوانەیە.
ئەوەخوایش کەردۆ کە مشۆم جیهان بزانۆ هجوومەکاو داعشی ئێران و ڕوسیا و پاریس و ئەڵمانیا و ئەفریقا و ئەوروپانە ئەنقەرەنە ڕێکێ وزیێنێ. بە هەماهەنگیی ئەردۆغانی و میتی کریێنێ واتش: "ئ ئی سیاسەتوو ئەرەگیرکەردەی و قڕکارییەو ئەردۆغانی هەمان زیهنییەتوو داعشییا. ئەردۆگان داعشی پێسەو تەرسێوی دژوو گردوو وەرکەوتوو دلێراسەی و جیهانی بەکار مارۆنە. پەوکای مشۆم گردوو گەلاو جیهانی جەنی گەریلاکاو ئازادیی کوردسانی بانە، چونکوم گەریلا شەنگال و وەرنیشتەنە و کەرکووکەنە و هەولێر و منەخموورەنە ناستشا کۆکوشی ڕووە بدۆ. بێدەنگیی وەراوەروو ئی جەنگەیە بە ماناو پەسەندکەردەی و دڕندەیی قڕکەردەی گەلاو وەرکەوتوو دلێڕاسەی و تەماموو جیهانییا".
سۆزداری دێرکە دژوو هجوومی و ئەرەگیرکاری بە ٧ خاڵێ داواش وەنەو ژەنا و گەلا و هێزە میاننەتەوەییەکا و پێشمەرگەی کەردە:
- وەنەو گردوو گەلوو عێراقی، بەتایبەت پانیشتوو کوردسانی مکەرمێ، کە هەڵوێستی هامبەشوو وێشا نیشانە بدانە. تا دووروستەیوە داعشی و فاشیزموو تورکی خاکەکەشانە بکۆشیانە و مدرامان بکەرانە.
-داوا وەنەو گردووو هێزە شکۆمەندەکاو پێشمەرگەی مکەرمێ، کە دژوو کۆکوشیی داعشی و لکنای تورکی بمدراوە و بەرەکاو وەڵی مدرامانینە یاگێ وێسا قایمە بکەرا.
- دیسان داوا جە حکومەتی ناوەندیی عێراقی و پانیشتوو کوردستانی مکەرمێ. دەمودەس ئی ئەرەگیرکارییە بمدرنا.
- ئەوەڵ گەلوو عەرەبی و کوردی و تورکمانی هەرێمەکەنە پێوەرە مژیوانە، مشۆم بە ئیرادێوە گەورەوە، دژوو سیاسەتوو نیو عوسمانی ئەردۆگانی بمدراوە.
- گردوو گەلاو جیهانی، بە کەوت و وەرنیشتۆ، مشۆم بە هەرمانەی ئینسانانێ وێشا هوربێزا و دژوو داعشی و فاشیزموو ئەردۆگانی و بە شێوێوی ڕادیکاڵ و ڕۆشن هەڵوێستوو وێشا نیشانە بدانە.
-داوا وەنەو گردوو ڕێکوزیا و هێزە میاننەتەوەییەکا مکەرمێ، کە هەڵوێستشا بۆ وراوەروو هجوومەکاو داعشی و فاشیزموو تورکی قڕکەری و ڕا نەدانە ئینسان ڕووبەڕوو دڕندەیی داعشی و ئەردۆگانی قڕکەر بۆوە.
-بەرەی سەرەکی دژ بە گرد جۆرە ئەرەگیرکاری و قڕکەردەیوە، بەرەو ژەنان. پەوکای وەڵێ گرد چیوێنە ژەناو پانیشتوو کوردستانی و عێراقی، داوا جە گردوو ژەناو جیهانی مکەرمێ بە یەک ڕۆح و یەک دەنگ دژوو گردوو جۆرەکاو ئەرەگیرکاری و قڕکەردەی بمدراوە".
ئاخرۆ سەمیرە ئەحمەدە واتش پێسەو یەپەژەی، ڕا بە گێڵایوەی داعشی نمەدانە، بە گردوو نەتەوە و پێکئامایەکاوە چکۆنە داعش بۆ مکۆشیا، واتش: "ئارۆیچ پەی پارێزنای ژەنا و گەلوو پانیشتوو کوردستانیما، چکۆ هجوومی داعشی بۆ، بە ڕۆحوو شۆڕشوو ١٩و تەمموزیوە چا مگژیەیمێ و مدرامان مکەرمێ، سەروو خەتەو پاریزنای ڕەوایۆ، چکۆ تەرسی سەروو ژەناوە بۆ چا بە ڕادیکاڵی درێژە بە کۆشیای مدەیمێ".
