شاندو ئێرانی پەی گفتوگۆکەردەی سەرو دۆسیەو ئەتۆمی وڵاتەکەیشا چنی شاندی پێکئامای جە نوێنەرا فەرەنسا، ئەڵمانیای و بەریتانیای جنێڤەنە دەسشا بە کۊبیەیۆ کەرد.

گلێرۊبیەکەی جە کاتێنە ملۊڕاوە کە هەفتەی ئایندە دۆناڵد ترەمپ پېسە سەرۊکو ئەمریکای بە ڕسمی دەسبەکاربۆنە. ترەمپ جە خولی یووەمو سەرۆکایەتی ۋێشەنە جە ما بەینو ساڵەکا ٢٠١٧ و ٢٠٢١ ی جە رێککەوتەی ئەتۆمی چنی ئێرانی کیشیابێوە و جە بەرزتەرین ئاستەنە سیاسەتو فشاری و گەمارۆیش وستەبۍ سەرو تارانی.

یەرۍ مانگۍ چێوەڵیچ جنێڤەنە جە مابەینو ئێرانی و نوێنەرا یەرە وڵاتە ئەوروپیەکەینە گفتوگۊی پەنهان لووابۍ ڕاوە.

شالیارو جبەرو ئەڵمانیای بە ئاژانسوو هەواڵوو فەرەنسایش ئەرەیاۋنان، کە ئانەی ملۊڕاوە ئەرەنیشتەی نییا. لایەنی ئێرانیچ بە هەمان شێوە گفتوگۆکێش بە ڕا فاڕایۆ و راوێژی نامۍ بەرڎ.