ڕەجەب تەیب ئەردۆغان سەرۆککۆمار جە گلئرۆبییە و سەرۆکو شارەکا حیزبەکەیشەنە قسێش کەردێ و ئەرەیاوناش  کە پەی دەستووری بنەڕەتی تازە و ئەوەکۆشای دەسش پنەکەردەن و واتش: "ئێمە ئی گەلەیە جە شەرمەزاری دەستوورو کودەتاچیەکا ڕزگار مکەرمێ. هیزی من ١٠ هەمڕێ یاساناسێم پەی ئی مەبەسەیە ئەرکدار کەردێنێ. ئی هەمڕێ یاسا ناسا دەس بە هەرمانەکاشا مکەرا. پی جۆرە پەی دەستوورێوە بنەڕەتی تازەی ئامادەکاریی مکەرمێ. پێسەو رێککەوتێوە جومهوری، هیواڏارێنمێ ئیجارە چنی پارتەکا تەرێ پەرلەمانی سەر و بنەمێوە هامبەشێ چنی یۆی گلێرێ بیمێوە."

ئەردۆغان ئاماژەش پانەیەدا کە دما و قەرار و پەکەکەی پەی دمای ئاردەی بە چالاکی چەکداری، قۆناغێوە تازە دەسشپنکەردەن و واتش: "چنی هەر قۆناغێور تازەی، هیوا و ئەرکەکێما زیاتەرێ بانە. ئینایمێ جا بڕوێنە کە ئی قۆناغە هەستیارە بەبێ ڕووەدای و کارەساتی ویەرنمێ. ئێمه هەمیشە بە ئیرادەو بەرزو وێماوە پەی سەرکۆتە و پرۆسەکهی گرڏ کاتێ هەوڵو وێما مرەیمێ و هامکاتەنە زوانێوە ئەرێنی و بنیاتنەر به کار بارمێنە که متمانه به ٨٦ ملیون هاموڵاتیا بەخشۆنە. وەڵێ گرڏ چێوێ دەم پارتى و ڕێبازو پارتە سیاسیەکا جا بارۆ یاگێ دڵوەشینە. ئێمە ئی جۆرە سیاسەتە بنیاتنەرا بە هەند وینمێ."