میانەو سازکەرڎەی و لوایراوەو یەرەمین دیڎاروو، پڕۊفیسۊر "محەمەد ئەمین هەورامانی"ینە ئەرەمەرزیا حکومی و ناحکومییەکاو هەڵەبجەی، دیڎاروو ئەدەب و کولتووروو هەورامنی بەرز نرخناو بە گەشێوە مەعریفیی جیدییش زانا هەڵەبجەنە، حەریۊ جە پارێزگاروو هەڵەبجەی و ڕاوەبەروو ڕۊشنویری و یانەو سیاچەمانەی ئەرەمەرزیاو ژیوای، دیڎارەکەنە  قسێشا بۍ و ئەرەیاوناشا دیڎارەکە هەنگامۍ جیدییەنە بە ئاڕاستەو پاریزنای چاندی.

ئازاد تۊفێق پاریزگاروو هەڵەبجەی شەهیدی بە نامۍ پاریزگایۊ سپاسوو ڕاوەبەراو دیڎارەکەیش کەرد و دەوروو هەورامییەکاش بە سەنگین و پارێزنەروو کولتووری و پێوەرەژیوای مەنتێقەکەنە ئرمانا و سەروو ویەرڎەی تارێخیی ئەدەبوو هەورامانی قسەکێش هەسۍ کەرڎۍ وە و ئەرەیاوناش یاگێوە سەنگینە و جیاوازە دلۍ ئەدەبی کوردینە هەنە کە یاگۍ ئەدەبوو هەورامانینە، هاموەخت ڕاوەبەروو ڕۊشنویریی هەڵەبجەی بە نامۍ وەزیروو ڕۊشنویریوە قسێش کەرڎۍ  و پاڵپەشتی وەزارەتی و ڕاوەبەرایەتییەکەیش پەی دیڎاروو هەورامییەکا بەر وست و ئەرەیاوناش، ئی دیڎارۍ مایۍ وەشحاڵیی هەڵەبجە و مەنتێقەکەینۍ،

هاموەخت میانەو دیڎارەکەینە هەردووە، ڕێکوزیۍ ناحکومیۍ هەڵەبجی" سەنتەروو ژیوای" و "یانەو کولتووریی سیاچەمانە"ی هەڵەبجەنە کە دوۍ ڕێکوزیۍ کولتووریێنۍ، بە گرنگیوە دەوروو هەورامییەکاو دەڤەرەکەیشا بە گرنگی ئرماناو خەڵاتوو ڕێزوەنەنیایشا پێشکەشوو ڕاوەبەرا و سەرپەرشتاو دیڎارەکەی کەرد.