پارت و لایەنە سیاسییەکێ وەرکەوتوو کوردەسانی بانگەوازشا جە گرڏی کەرد جە دژو سزاو جە قەنارەدای هەردووە ژەنە چالاکوانێ پەخشان عەزیزی و وریشە مورادیێ مانگێرتەو گرڏی ئەرەیاونانە.
ئەرەیاونێوە نویسریانە پارت و لایەنە سیاسییەکێ وەرکەوتوو کوردەسانی بانگەوازشا جە گەلو وەرکەوتوو کوردەسانی کەرد ڕۆو چوارشەممەی ٣ی کانوونو دووەمی ٢٠٢٤ جە دژو سزاو جە قەنارەدای هەردووی ژەنە چالاکوانێ پەخشان عەزیزیە و وریشە مورادیە پێسەو ناڕەزایەتیێ مانگێرتەی گرڏی ئەرەیاوندێ.
دەقو ئەرەیاوناکەی بی جۆرەنە:
"پەی جەمەو ئازادیوازی کوردەسانی!
جە بارودۆخێوەنە که گرانی و بێهەرمانی و نەداری و دەیان کێشێ و گرفتێ ئابووری، خزمەتگوزاری و نەبییەو هەر جۆرە ئازادییێ سیاسی بەربینگشا بە گلێرگەو کوردەسانی و ئێرانی گێرتەن، ڕێژیمو ئێرانی، جیاتی جوابدایۆ بە ویست و داواکارییەکا جەماوەری، شمشێرش جە دژو زیناییا سیاسی جە ڕووەش بەستێنە و حوکمو جە قەنارەدای پەی دەیان کۆششکارێ سیاسی جە کوردەسان و سەراسەرو ئێرانی بەرکەردەن. چا‌و په‌یوه‌ندییه‌نە بە تایبەت بەمەڵامەتو تەرسەو جەقەنارەدای “پەخشان عەزیزی” و “وریشە مورادی”، ی پەنەوازا هەنگامێ خێرا و بەپەلە هۆرهێرانە پەی ڕزگارکەردەیشا جە پەتەو قەنارەی. یۆ جا هەنگاما بریتیین جە ڕاوەبەردەی مانگێرتەی گرڏی جە کوردەسانەنە. مانگێرتەو گرڏی و جەماوەریی جە کوردەسان بەردەوام پێسەو ڕێکارێ وەرەنگار بییەیۆ مەدەنی جە کاتە هەستیارەکانە بییەن بە نەریتێوە شۆنەکەوتە جە گلێرگەو وەڵکەوتەو کوردەسانینە. ئارۆ که ئینایمێ وەردەمو یۆ چا کاتە تاریخیانە، پەنەوازا ئیرادەو جەماوەری جە جمیەرێوە شایستەنە وێش نیشانە دۆوە پەی ئانەی وەڵێ بە تراژیاێ تەری گێرۆنە و گیانو جەمێ مرۆڤا کە حیچ کردارێشا جگە جە وەشەویسی خەڵکی و خەبات پەی ئازادی و یەکسانی نەبییەن، جە پەتەو قەنارەی ڕزگار کەرۆنە. بێگومان ئا یۆگێرتە جەماوەرییە کە جە شێوازێوە مەدەنی و ئاشتیانەنە وێش نیشانە مرۆنە، تاوۆنە جارێوە چەنینە جە شۆڕشو “ژەنی، ژیوای، ئازادی”نە، کوردەسان خاوەنو پەیامو خەباتی و وێڕاگری پەی گرڏو کۆمەڵا خەڵکی جە سەرتاسەرو ئێرانی بێ، واوەی بۆوە. داوا جە گرڏو جەماوەرو کۆششکارو کوردەسانی مکەرمێ کە ڕۆو چوارشەممەی ٣ی مانگەو ڕێبەندانی، جە گرڏو کوردەسانی جە مانگێرتێوە گردینە جە دژو حوکمو جە قەنارەدای ڕۆڵەکاما بەشدارێ بانە و هەرپاسە گرڏو مانگەکێ هەرمانێ، بازاڕ و وابینگە وسارە. بی جۆرە هێزو یۆبییەی جەماوەر پەی دابیکەردەو ئامانجو سیاسی و ئینسانی خێرا، نیشانە دریۆوە. با جارێوە تەر نیشانەش دەیمێ کە کوردەسان جە وەراوەرو پاسە حوکمێ گەلێوە نامرۆڤانە بێدەنگ مەبۆنە و هەڵوێسش بۆنە. بژیو یۆبییەی و یەکدەنگیی جەماوەریی جە کوردەسانەنە.
• پارتی ئازادیی کوردەسان
• پارتو ژیواو ئازادیی کوردەسانی پژاک
• جەمەو شۆڕشگێڵی زەحمەتکێشا کوردەسانو ئێرانی
• حیزبو دێموکراتی کوردەسانو ئێرانی
• سازمانو خەباتو کوردەسانو ئێرانی
• جەمەو زەحمەتکێشاو کوردەسانی
• جەمەو ڕێکوزیای کوردەسانی و حیزبو کۆمونیستو ئێرانی."
