دلۍ فەرهەنگوو کەشناسیی هەورامانینە، بە ئێشەوی "هەکە ئاخر شەوەو چلێ"نە وچیۊ: "دیل مەرەخەس"

مەرام چی نامەنییایە ئانەنە، هەکە جە ئێشەوۊ ئیتر زمسان زەبرش مەمەنۊنە و سەرڎا تەرسیش نییەنە،

وەڵتەر هەورامییەکۍ کۊنشینۍ بیێنۍ، وەروو سەرڎای ئاژەڵەکێشا زمسانەنە نەزنێنێرە و چوەرۊ ئاڵفشا دێنۍ، وەلێم هەکە چلۍ تەمامیێنە وەروە تاویێنۊ و زنیێنێشاوە پەی دەرودەشتی و پانەیشا واتەن "دیل مەرەخەس "، یانۍ ئاژەڵە دیلەکۍ ئازاڎۍ بیێنۍ.

*چلۍ حەر فەسڵێوە پاسە دیارییە کریۊ، کە یەرە مانگوو فەسڵەکەی عاڎەتەن کەرۊ ٩٠ڕوۍ، ٢٥ وو ئەوەڵیش و ٢٥ وو ئاخیریش حسێب کەرا، چلەکەو دلێڕاسەیش بۊ بە چلۍ، کە ئێشەو ئاخر شەوەو چلێنە.

*ئینەیچە وردی و ژیری و سەلێقەو ژیوگەدۊسی و ژیوگەئشناسییی هەورامییەکا نیشانە مڎۊ، کە سرووشتەکەشا دلۍ زوانیشانە ڕەنگش دانۊ.

"ئیبراهیم مەیکە عەلی"

س.ز