ڕۆی یوەمو ڕاپیمای درێژمەودای کە جە چوارچێوەو هەڵمەتەو 'ئازاڎی پەی رابەر ئاپۆی، چارەسەری پەی پەرسو کوردی' بە سەرمەشقی جوانا کوردی و ئینتەرناسیۆناڵی ملۆڕاوە، لاو وێرەگایۆ بە لوایڕاوەو سمینارو 'ژەنۍ، ژیۋای، ئازادی' دمایش پنە ئاما.

جوانۍ جە وێستگەو قیتارو بیلەفێڵدینە زەماۋنەشا گێڵنا، ڕۆی یووەمشا دمایی پنە ئارڎ و دروشمەکاو "بژیۋۆ سەرۆک ئاپۆ"، "بێ سەرۆکی ژیۋای نمەبۆ"، " ئازاڎیی پەی ئۆجالانی" و "ژەنی، ژیۋای، ئازاڎیی"شا واتێوە.

دماتەر پەی بەشداری جە سیمینارو 'ژەنۍ، ژیۋای، ئازاڎیی' جە ناوەندو جەمەو دیموکراتیکی کوردینە جە بیلەفێڵد کوۍ بیێوە.

دماتەر هونەرمەڼ حەکیم سەفکان قسێش کەرڎۍ و باسش چانەیە کەرڎ کە پاڕادایمو عەبدوڵا ئۆجالانی نەک هەر پەی گەلوو کورڎی، پەی تەماموو مرۆڤایەتی چارەسەرین. حەکیم سەفکان جە سمینارەکەنە هۆنیێوەش جە بارەو ژینا ئەمنیێوە وەناوە.

دماتەریچ هونەرمەڼ سینان گۆرانیێش واتۍ و جوانێچ زەماۋنەشا گێڵنا.

جە چالاکیەکەنە قسەکۍ عەبدوڵا ئۆجالانی جە بارەو ئازاڎیی ژەنۍ و سۆسیالیزمیۆ جە بەڵگەفیلمێوەنە نمایش کریا.

رۆی دووەمو ڕاپیمای درێژمەودای ئارۆ سەعات ٠٩:٠٠ جە وێستگەو قیتارو ناوەندی هامینە دەسپنە مکەرۆ.