دۊڵەتو ئەرەگیرو تورکی و چەتەکێش ئارۆ وێرەگا هرووژمشا کەرڎ سەرو بەنداوو تشرینی و ئێشکگیرا بەنداوەکەی و کۆمکوژیشا کەرڎ.

ئیدارەو ۋێڕاوەبەری کانتۆنو فوراتی دەربارەو کۆمکوژییەکەی ئەرەیاۋنێوەش وەڵاکەرڎۆ و ئەرەیاۋناش هرووژمەکە پاشێلکەردەی یاسا مېیاننەتەوەییەکان و تاوانەو جەنگینە.

تەئکید کریاوە کە ئارۆ ٢ جارۍ کارەوانو خەڵکی مەدەنی کریان ئامانج. جاری یووەم کارەوانو ترۊمبێلا خەڵکی مەدەنی کانتۆنو فوراتی کریۍ ئامانج و جە بەنداوەکەیچەنە ئێشکگیرا کریۍ ئامانج.

ئیدارەو ۋێڕاوەبەری جە دما دماینە داواش جە گلێرگەی مېیاننەتەوەیی کەرد ۋەرپرسیاری ۋێش جابەجێ بکەرۆ و پەی دمایئاردەی بە هرووژمە بەردەوامەکا دۊڵەتو ئەرەگیرو تورکی پەی سەرو سەرنیشت و ۋەرکۊتوو سوریای و پارېزنای خەڵکی مەدەنی، ڕاوجای دەمودەسیۍ گێرانە ۋەر.