گرژییەکۍ بەینو حزبوڵای و ئیسرائیلی کە جە جومعۆن دەسشا پنەکەرڎەن، بەردەوامێنۍ. سوپاو ئیسرائیلی ئەرەیاۋناش کە سەرسەعبو ئارۆی یەکشەممە جە ماوەو چن سەعاتێنە ١١٥ موشەکۍ جە پانیستوو لوبنانیوە ئاراسەو سەرنیشتوو ئیسرائیلی کریێنۍ و ئانەیچش وست ڕووە، کە جە ۋەرا ۋەرەنە چڼین بارەگۍ حزبوڵای جە پانیشتوو لوبنانینە کریێنۍ ئامانج.

لاو ۋێچشۆ حزبوڵای لوبنانی ئەرەیاۋنانش کە ناوەندەکۍ وەبەرئاوردەی سەروازی ئیسرائیلیشا کەردێنۍ ئامانج.

سوپاو ئیسرائیلیچ ئەرەیاۋنانش، کە ٢٩٠ ئامانجۍ جە لوبنانەنە بۆمبۋارانۍ کریێنۍ و بە هەزاران سەکوۍ هۆردای موشەکا دلێنە بریێنۍ.