ژەنێ تارانەنە ١٦ساڵێ زینانش سەرەرە سەپیا

تارانو پایتەختو ئێرانینە، ژەنێ بە نامێ نێرگس نەسرینیێ بە ١٦ساڵ زینان و ١٥ساڵێ بێبەش کەردەی جە مافە کۆمەڵایەتییەکا سزا دریا.

بە پاو ڕاپۆرتە وەڵاکریاوەکا، دادگاو لقو ٣٦و لوایۆ پۆرەو تارانی، سزاو ١٦ساڵا زینانی و ١٥ساڵا بێبەش کەردەی جە مافە کۆمەڵایەتییەکا و هەمان کاتەنە غەرامەو ٣٣٠ میلیۆن تمەنا سەرو نێرگس نەسرینینە سەپنان.

ئەرەیاوناکەی کە نێرگس نەسرینیە ئەرەنیشتێ تارانینە و پەیڕەو ئایینو مەسیحینە بە تۆمەتو "چالاکی دژبەرانە و پڕوپاگەندە جە بوارەو پەیوەندینە چنی وڵاتا بیانی دژ بە ئایینو ئیسلام" ی و "پڕوپاگەندە دژو حکومەت" ی سزاو زینانیش سەرەرە سەپیان.

نێرگس نەسرینیە، کە جە ٢تشرینو دووەمی ٢٠٢٤ جە تارانەنە باڵبەسەکریا و زینانییە کریا، جە کاتێنە کە یەک مانگ دووەگیانە بێ، پەی زینانو ئێڤینی فارییاوە و جە ٢ی کانوونو دووەمو هەمان ساڵینە بە نییارەو بارمتەی بە شێوێ کاتی ئازادە کریێنە.