ژەنا حەلەبی پۍ ئازاڎیی ڕابەروو گەلوو کوردی ڕاپیمایشا کەرد
سەڎان ئەنڎامۍ یۊبیەو ژەنە گەنجا جە کۊڵانەو شێخ مەقسودینە کوۍ بیێوە، وێنۍ ڕابەروو گەلوو کوردی عەبدوڵا ئۆجالانی و شۊڵەچراوە و ئاڵاو یۊبیەی ژەنە گەنجاشا بەرزکەردۆ و ڕاپیمایشا کەرد.
جە ڕاپیماکەینە درووشمەکا "بێ سەرۆکی ژیۋای مەبۆ" و "ئازاڎیی پۍ ڕابەر ئاپۆی" بەرزۍ کریێوە.
دماو دەیەقێوە مردای پۍ ڕێزگرتەی جە گیانوو گەشمەرڎا، ئەنڎامەو کۆنگرەو ستاروو حەلەبی شەهد تەبشۆوە قسێش کەردۍ، جەختش سەروو کۊشیای گۊرەو ئازاڎیی پۍ ڕابەروو گەلوو کوردی عەبدوڵا ئۆجالانی و واتش: "بەبێ فکروو ڕابەر عەبدوڵا ئۆجالانی، گەلا ئازاڎیی و ڕاسی ۋێشا نەشناسێنۍ".
جە دمادمایی قسەکاشەنە شەهدە واوەیش کەردۆ پێسە ژەنا هەرمانەکەرا پۍ زیاڎکەردەی خەبات و چالاکییەکا تا سەرکۊتەی و لابەردەی ئاستەنگەکا و بەدیئاردەو ئازاڎیی جەسڎەیی ڕابەروو گەلوو کوردی عەبدوڵا ئۆجالانی.
