ژەناو عەفرینی پێشوازییشا جە هەڵمەتەو ئازاڎیی کەرڎ
ڕێکوزیاکۍ ژەناو عەفرینی و شەهبای پێشوازیشا جە هەڵمەتەو'ئازاڎیی پۍ ئۆجالانی، چارەسەری سیاسی پۍ پەرسوو کورڎی' کەرڎ.
هەڵمەتەو پلاتفۆرمی ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی کە جە ١٠و تشرینی یۋەمی جە ٧٤ناوەنڎا جەهانینە دەسشپنەکەرڎەن، بەردەواما.
بەنامۍ کۆنگرەو ستاری، ڕێکوزیاکۍ ژەناو عەفرینی و شەهبای، پێشوازی جە هەڵمەتەو ئازاڎیی پۍ عەبدوڵا ئۆجالانی، چارەسەری سیاسی پۍ پەرسوو کورڎی کریا.
کۆنفڕانسی رۆنامەوانی جە پارکوو ڕابەر ئاپۆی جە دەگاو تل سۆسنی ئەحداسی جە مەنتیقەو شەهبای، سازکریا و چنەشەنە ئەنڎامەو ئەنجوومەنوو عەفرین و شەهبای "ڕێگەز لۆلۆ"وۍ و ئەنڎامەو کۆنگرەو ستاری "ئەمەل ئیسماعیل"ۍ ئەرەیاۋنېوەشا بە عەرەبی و کوردی ۋەناوە.
جە ئەرەیاۋناکەینە ئامابۍ: ئێمە پەشتیوانۍ هەڵمەتەو گەلینمۍ کە پۍ ئازاڎیی ڕابەر ئاپۆی جە سەرنیشت و ۋەرکەوتوو سوریای دەسشپنەکەرڎەن. بە ئازاڎیی ڕابەر عەبدوڵا ئۆجالانی پەرسوو کورڎی بە شێۋېوە ئاشتیانە چارەسەر بۊنە و چارەسەری پۍ گەلا ۋەرکەوتوو میامینی وەش بۊ.
