جە چوارچەمەو دیدارە ئەدەبییەکەو پڕۆفیسۆر محەمەد ئەمین هەورامانینە، کە ئەرەمەرزیاو کەریموو عەلەکەی بە بەشداریی نویسەراو هەردوە دیموو هەورامانی ساز کریابێ، گفتوگۆی تایبەت و واتەواچی مەعریفی ئاما ئاراوە، پەرسەکاو زوانی و ئەدەبی هونەری و سیاوچەمانەی گەنگەشە کریێ و تەکنای تەپوتۆزوو سەروو دنیاو چاندی هەورامییانەی تەوەرەی گرنگوو باسەکابێ، جگە جە ئاشنابییەی، هەردووە دیمەکاو هەورامانی پێوەرەژیوای و پێوەرەبییەی بەینوو ڕەگەزەکا و مایێ قسەوباسی بێ بە نموونە ژەنەو هەورامانی شیعرەنە هونەرنە و یاگێش دلێ چاندینە درێژەدای پەی کلتوورەیە یاگێ باسی جیددی بێ.

حەرپاسە بەشداریی ژەنا یاگەدار بێ و یۆ جە ئەوەکۆڵیایەکا بە نامێ" وانایۆیێ ئەنسرۆپۆلۆجیی پەی سیاچەمانەێ" ئەوەکۆڵیای خانمێوە بێ بە نامێ "هەدیە عەلی" و بەشداریی خانم "مەهوەشێ درووسکارێ" کە بە شێعرەی نەوە سەرنجەو ئامادەبییاش کێشت و هەرپاسە ڕاوەبەردی پانێڵیوە لاو خانم "ئاهوورا کوردسانی"یوە، ئامادەبییەێوە یاگەداروو ژەنا بێ و جگە ئانەی پەرسەو ژەنێ فرەو ئەوەکۆڵیایەکانە یاگێ وێش بێش، بە تایبەتی ئوەکۆڵیاێوەنە سەروو "ژەنەو هەورامانی و یاگێش دلێ شێعرێ نەوێ و وەڵینێنە".