زیاڎ جە ٦٠ ملۋېن دەنگدەرا گەڕو دوۋەمینە سەرۊککۊمار هورچنا

گەڕەو دوۋەمو هۊرچنیەو سەرۊککۊماری جە تورکیا ئارۊ ملۊڕاۋە. دەنگدەرۍ جە بەینو سەردەسەو حکومەتو ئاکەپە-مەهەپەی فاشیستی رەجەب تەیب ئەردۊغانی و سەرۊکو جەهەپەی کەمال کلیچدارئۊغڵوینە یۊیشا هۊرچنا.

پۍ هۊرچنیەو سەرۊککۊماری تورکیای کە پۍ ماوەو ٥ ساڵا وڵاتەکەی ڕاوەبەرکەرۊ ٦٠ ملۋېنۍ و ٧٦٩ هەزارۍ و ٢٦٨ دەنگدەرۍ مافو دەنگدایشا هەن. ٤٧ هەزارۍ و ٥٢٣ دەنگدەرۍ کە جە ماوەو گەڕو یوۋەمی و دوۋەمینە بیېنۍ بە ١٨ ساڵۍ پا ژمارەیە زیاڎۍ بیېنۍ.

دەنگدەر بە پسوڵېوە و ١ پاکەتو دەنگدایوە دەنگ مڎۊ. دەنگدای حەتا سەعاڎ ١٧:٠٠ وەردەوام بۊ. دماتەریچ حەتا سەعاڎ ٢١ قەدەغەکۍ هۊرچنیەی هەرمانەشا پنەکریۊ. ئەگەر دەسەی باڵاو هۊرچنیەی بە پێۋیسش بزانۊ قەڎەغەو میدیایی سەرو هۊرچنیەی ئەگەرش هەن ئا قەڎەغەیە سەعاڎۍ چاوەڵتەر هۊرگیریا.

دەنگدەرۍ متاۋا تەنیا چا سنووقانەی جە گەڕو یوۋەمینە دەنگشا دان سەرجەنۊ دەنگ بڎاوە. پۍ دەنگدایچ پێۋیسا دەنگدەر ئشناسنامە یاخود بەڵگەنامېوە ڕەسمی کە ۋێنە و ژمارەو ئشناسنامەش سەرۊبۊ، پنەبۊ.

دەنگدای جە ١٩١هەزار و ٨٨٤ سندوقانە جە تەمامو تورکیاینە ئەنجام دریۊ.

هـ . ش