ئێشەۋ جە عەفرین، هێزەکێ سوریای دیموکراتی ـ هەسەدەی، جە زنجیرە چالاکیێۋەنە گورزی قورسشا کە ئەرتەش و چەتەکا تورکیایدا  و دەیان کوشیێ و زامدارێشا بیێن و دۋێ ماشینێ دۆشکەبەسەرێ دلێنەبریێنێ.

بەپا زانیاریەکا، ئێشەۋ جە دەگا شنگولی جە ڕاجۆ، جە چالاکی 'هەسەدە'یەنە، دۋێ ماشێنێ دۆشکەبەسەرێ کریێنێ ئامانج و بەچەدارە سەرنشینەکاشاۋە بەتەمامەتی دلێنەبریێنێ.

هاوەخت جە دەگا خەلیلی جە دەڤەرو شییەێی،  جە چالاکیۋی تەرەنە ۳ سەربازی کوشینێ.

دیسان هەر ئێشەۋ، جە دەگا بوکێی جە بلبلێ، هەسەدە چالاکی بەکاریگەرش ئەنجام دان و لانی کە ١٥ سەربازێ و چەتێ کوشیێنێ.