هیزی شەوێ دەوڵەتی ئەرەگیرکەروو تورکی دەگایەکاو ئوم حوش و مینغ و ڕادار و دەوروبەروو دەگاو  حەلیسەو سەر بە شەهبایش تۆپواران کەردێ، گولەتۆپێوە دەگاو ئوم حوشینە کەوتەرە وار و هەڵای نەتەقانۆ. ئەنجاموو تۆپوارانەکەینە زەمینێوە کشتوکاڵیی هاموەڵاتێوە سۆت.

چی بارەوە دەگانشیناو ئوم حوشی پەی ئاژانسوو هەواڵوو هاوار (ئانها)ی دوێ.

هاموەڵاتێوی بە نامێ زەکەریا جەمۆیوە واتش هیزی شەوێ تەماموو دەگایەکاو شەهبای تۆپوارانێ کریێنێ.

محەمەد محەمد واتش دەوڵەتوو تورکی و چەتەکێش دەگاو ئوم حوشیشا تۆپوارانە کەردێنە و ئی هجوومیچە تەرسی و دڵەڕاوکێش لاو دەگانشیناوە وەشە کەردێنە.

زەکەریا جەمۆ ئەوەخوایش کەردۆ، گولەتۆپێو وەردەمو یانەکەیشنە کەوتەنەرە واری و نەتەقانۆ، هەرپاسە تۆپوارانەکەو هیزیینە سەروو سنووریوە، زەمینێوە سۆتەن.

زارۆڵیوەیچ نامێش محەمەد عوسمان بێ واتش، تۆپوارانەکەو هیزی شەوێنە زاڕۆڵێ فرە تەرسێنێ، داواش کەردە هجوومەکێ مردیا.

هەرپاسە دەگانشینێو بە نامێ یوسف حەدادیوە واتش: "ئێمە چی یەوێ و گەنمێما کەردێنێ، بەڵام تۆپوارانەکاو ڕوانەو دەوڵەتوو تورکی بییەن مایێ تەرسێ سەرماوە. هەرپاسە بۆنەو تۆپوارانوو دەوڵەتوو تورکیوە زەمینەکێما سۆتێنێ، لوای دلێ زەمینەکاما تەرسناک بییەن ".