لە کۆبوونەوەی ١٩هەمینی ئەنجومەنی وەزیرانی عێراق کە بە سەرپەرشتی محەمەد شیاع سودانی سەرۆک وەزیرانی عێراق بەڕێوەچوو، هەڵسەنگاندن بۆ ئاوەدانکردنەوەی شنگال کرا کە کۆمەڵێک پرس لەخۆدەگرێت و بڕیار درا.

ئەنجومەنی وەزیران ڕاسپاردەکانی بڕیارنامەی ژمارە ٢٠٢٤ی لیژنەی پرۆژەی پاڵاوگەی کەرکوکی پەسەند کرد و بڕیاریدا ڕاسپاردەکانی فەرمانگەی یاسایی ئەمینداریەتی گشتی ئەنجومەنی وەزیران جێبەجێ بکرێت.

بەتایبەتی بەمەبەستی چاودێری کردنی دۆخی شنگال و ئاوەدانکردنەوەی ناوچە ئازادکراوەکان، ئەنجومەنی وەزیران هەمواری ماددەی شەشەمی بڕیارنامەی ژمارە ٢٤٠٤٣ ئەنجومەنی وەزیرانی پەسەندکرد کە لە ساڵی ٢٠٢٤ پەسەندکرا.

بەم پێیە ئەم خاڵانەی خوارەوە گۆڕانکارییان بەسەردا هاتووە:

١- دابەشکردنی هەردوو پارچە زەوی، کە لە بڕگەی شەشەمی بڕیارنامەی ژمارە ٢٤٠٤٣ ئەنجومەنی وەزیراندا هاتووە، لەلایەن وەزارەتی ئاوەدانکردنەو،  نیشتەجێکردن و شارەوانی و کاروباری گشتی هەڵبوەشێتەوە، وەک موڵک و ماڵی ئەوان بگەڕێندرێتەوە بۆ شارەوانی شنگال.

٢- زانیاری دروست و ئامار لەسەر ژمارەی خێزانە ئاوارەبووەکانی شنگال بەتایبەت ئەو خێزانانەی لە کەمپەکاندا دەژین، بدرێتە وەزارەتی کۆچ و کۆچبەران. جگە لەوەش ئەم زانیاری و ئامارانە لە دروستکردنی شاری نیشتەجێبوونی کۆمەڵایەتی، ئامادەکارییەکانی بیناسازی و ژمارەی یەکەکانی نیشتەجێبوون بە نرخێکی هەرزان پێشکەشیان بکرێت و دابین بکرێت.