جە دەگاو ئارکاسی هەرێمو ئارماڤیری ئەرمەنستانی پەی یاڎکەردەیۆ گەشمەردا مانگەو ئایاری چالاکیێوە کریا. هامسەرۆکوو کۆمیتەو کوردسانی سیلۆ دربۆیان، تاتەو گەشمەردە ڕوکەن میلۆی و ئەڎاو گەشمەردە موراد کوباری قسێشا کەردێ.

یادەکە بە دەیەقێوە ڕێزگێرتەی پەی گیانبەخشایا ئازادیی دەسش پنەکەرد. جە وتەکانە جە کەسایەتی گەشمەردا مانگەو ئایارینە تەماموو گەشمەردا ئازادیی یاڎێ کریێوە.

حەرپاسە وچیا: "وەختێ هەڤاڵ حەقی قەرار گەشمەردە بی، ڕابەر ئاپۆ پەی حەق ئەسایۆ هەڤاڵی و یاڎکەردەیۆ هەڤاڵ حەقی قەراری، پەکەکەش ئەرەمەرزنا. پۊکەی ماچا گەشمەردێ مەمرا و پەکەکە پارتوو گەشمەردان. پېسە گەلوو کوردی پێویسا خاوەنداری جە کۆشیای و ڕەنجوو گەشمەردا بکەرمێ. ئەگەر ئارۆ پێسە گەلی هەنمێ، دنیا پێسە گەلی مشناسۆما، جەسایەو گەشمەردا تەڤگەرو ئازادیۆن. گەر گەشمەردێما نەڎێنێ پاسە گۆرێ نەبێنمێ. پۆکەی پێسە گەلی قەرزارێ گەشمەردانمێ. ماچمێ گەشمەردێ مەمرا و تا دمایی شۆنکۆتێ دۆزەکەیشا بیمێ".

یادەکە بە درووشمەکا "بژیۋۆ سەرۆک ئاپۆ" و "گەشمەردێ مەمرا" دمایش ئاما.