جە زیندانەکێ "ئورمییە، خوى، تەورێز، کاشمەر و خوزستان"و  ئێرانی، ۱۷ سیاسیێ سەر بە پەکەکەی، پەژاکی و کۆداری دژ بە گۆشەگیرکەردەی و چارەنۋیس-نادیاری ڕێبە عەبدوڵا ئۆجالانی و هاموەخت پەی پەشتیوانی جە مانگێرتەکان کە جە کوردستان، تورکیا و جیهان-نەنە دژو گۆشەگیریەکەی ئەنجامێ مدریانە،  مانگێرتەی جە واردەیشان دەست پنەکەرد.

زیندانییە سیاسییە مانگرەکێ داۋا مەکەرانە تا کۆمیتەو بەرەنگاری ئەشکەنجەو ئەوروپای CPT و چەمدارێ میاننەتەوەیی مافەکێ مرۆڤی و لایەنە پەیوەندارەکێ سەردای ئیمرالی بکەراۋە و کۆشەگیرکەردەی ڕێبەر ئاپۆی کۆتاییش پنە باوەریۆنە. هەر پاسە مانگرەکێ پەشتیوانی وێشان پەی ئا مانگێرتەیە بەروست، کە جە زیندانەکانو تورکیایەنە پە پێشەنگی لەیلا گیوڤن هامسەرۆکەو کەجەدەکەی و پارلەمانتارەو هەدەپەی ئەنجام مدریۆنە.

کۆمەڵەو مافو مرۆڤى کوردستانی نامێ  زیندانییە مانگرەکانیش پی جۆرە ئاشکرا کەردەن: 

زەینەب جەلالیان زیندانو -خوى، عەلى ئەحمەد سولەیمانى، یوسف کاکە مەمەى- زیندانو تەورێز. حەمید ڕەحیمى، عەلى یەگانە، تورەج ئیسماعیلی، محەمەد خالید زادە، ڕەحیم مەحمودى، ئیبراهیم عیسا پور، کامران دەرویشى، ئەحمەد تەموئى، کامەران جەعفەری، بەشیر پیرماوانە ، کەمال حەسەن ڕەمەزان، حەسەن حەسەن زادە، موستەفا سەبزى-زیندانو ئورمیە و شاکر باقى،  زیندانو کاشمەری جە خۆراسان.