شاعیری هەست ناسک (ناسر موحەمەد تەوێڵەیی) کۆچیی دماییش کەرد

شاعیری هەست ناسک (ناسر موحەمەد تەوێڵەیی) بەنەوەشی کۆچیی دماییش کەرد.

قەندیلەنە گێڵو پێ یاگە پەیەکا
بوو مەچەکو ئا تاتەیە شەڕڤانەکێش
بەدیلی کۆتە دەســوو جەلادەکا ...

سەرسەبای ئارۆی جە شارو تەوێڵەی سەر بە هەرێمو هەورامانی،  (ناسر موحەمەد تەوێڵەیی) شاعیری هەست ناسک و جوانشناسی، بەنەوەشی کۆچیی دماییش کەرد.
کۆچکەردە نزیکەو دوێ مانگێ بێنە تووشو نەوەشی شێرپەنجەی بیەبێ و سەرەڕاو چارەسەریەکان، دەرەنجام سەرسبای ئارۆی جە تەمەنو ٥٨ ساڵانیەنە بە هەمان نەوەشی گیانش ئەسپارا.

ناسر موحەمەد تەوێڵەیی، ساڵەو ١٩٦٢ی کریستیانی جە شارو تەوێڵێ جە ئەڎێ بییەن و قۆناغەکێ وانای سەرەتایی، ناوەندی و ئامادەییش هەر جە تەوێڵێ تەمامنێنێ. دماتەر پەی وانای بەرزی شییەن شارو سلێمانیێ و کۆلێژو کوشتوکاڵ-یش جە بەکرەجۆ تەمام کەردەبێ. دماتەر پێسەو کارمەندی جە هەرمانگەو کشتوکاڵی مەرزیانەرە و دما جار جە هەرمانگەو کشتوکاڵ-و شارو بیارێ هەرمانبەر بیەن.
ناسری کۆچکەردە جەپاڵو وانای و هەمانبەریەنە، سەرقاڵ بیەن نویستەی شیعرێ و ژمارێوی فرێ شیعرێ نو و کلاسیکێش بە شێوازیوی نوگەرانە نویستێنێ، بەڵام پێش نەڕەخسیان شیعرەکانش چاپ و وەڵاو بکەرۆنەوە.
(ناسر موحەمەد تەوێڵەیی) هامسەرگیریش کەردەبێ و بەرهەمەکەش ١ کناچە و ٣ کوڕێ بییەن و هامسەرێچش ساڵی ویەردە هەر بەنەوەشی کۆچی کەردەبێ.
چەنڎ نمونێ شعرێ کۆچکەردەی ناسر موحەمەد تەوێڵەیی:

من وێمەنا

واتاش پنە درەختێوی فرە   تەنیانی  هیچ درەختێو        ‌       هامســات نیا
 گیواو  دۆرتەنە  ســـۆز مەبۆ  دوختانێویچ سەیتەنە
  نیا
 هۆرەکێ  ئاسمانوو تۆ لوێنێ   ئیتر واران مەوارۆنە
کەشێ  توڕێ  هانێ سۆتێ کێ ڕازۆ وەروێت پێ کەرۆنە 
 واتم: کەی متاوی شەرابی تاڵ بەمن بوەری؟  چن ڕازەکاوێم 
 ژیوونە
 من ویەردۆ ڕازەکانا بەشەرابت مەس مەبوونە!!!!!
 من مەزانوو (بەش) ۆ کام ڕازۆ  وێمەنا !!
  ئێش و کامێن یا بە کامێشا فرە سۆتەنا !!
بـــەس  مزان و  من وێمەنــــا ؛؛؛؛
مجیۆرە دلێ شەوە تاریکەکا تا ڕۆح و بێ باوەڕێوی
ڕۆشن کەروۆ
بوو هامڕاو دوێ دڵدارا تا وەش بەختیشا پێ گێڵنوۆ
بوونە هۆرو بونە واران
تا درەختەکا سۆزێ کەروۆ
بوو بەسەی پێ کیارەکا  هەتا گڕە نەبەرۆشـــا
بوو بەشوان پێ گەلەکا هەتا وەرگ نەوەرۆشــــــــا
زاڕۆڵەیی وەروێم ویرا
قەندیلەنە گێڵو پێ یاگە پەیەکا
بوو مەچەک و ئاتاتەیە شەڕڤانەکێش
بەدیلی کۆتە دەســوو جەلادەکا ...

 

 خیاڵ پەرســـــە

هۆ  کناچێ ، خیاڵێ پەرســی
چی جە ئاها ، من ، مەتەرسـی
چەمت ، ئینا جە پەنجەرەی
گۆشت گرتەن ، جێڕەو ، بەرەی
منیچ ، پەلەو دیداریما
کەســێو بتاوۆ تەماشـەت کەرۆ
بڕوا ، بە چەما ، وێش ، مەکەرۆ
تا ، جارێو  تەر ، نیگات ، کەرۆ
بزانۆ ، متاوۆ وەسفت کەرۆ
کەچی من دیۆ ، ئەوەڵ جاریما
کوشتەو ، خاڵۆ ، لاو  ، لچانا 
وێڵوو ، قوتیلەو ،    ولانــا
چەمێم ، لێوەو ، چەمە ، پانا
شێتو ، چاڵۆ ، سەر کوڵمانـا
ئینە ،داواو ، دما ، جاریما 
جەسەم ، گردش دڵێوی ، تەرسان
بە ، تامێوی ، فرە ، تاڵۆ پێوە ، مدران
 پەنا ئۆ ، کام ، واتا ، بەروو
 هانا ئۆ ، کام دیاردا ، بەروو
 تا ، وەش ، کەرا ، ئیجارێما
......

ئازیز  تۆواچە ؟  ئەپی وەهارە  بەرگە  ســۆزەکەم                  چی زەرد مرمانۆ ؟؟
بدیە  پێ کەلی ، خۆ ڕۆجیار زیان ، لامۆ  شــەوەنە و
ســـیاو  مرمانۆ
ئەر ، پایز  بیێ ، زانێنێ ئێرش  میاوۆ  لاو
گیانیـم
کۆڵو ، ئێشــەکام ، تن ، شـــەتەک دێنێ  وەرێســو
شــانیم
ســەختیەکێم ، ئیســە ، هەڵســی ، هۆر مجا  و
ئارامیەکێچم ، هاوار کەرانێ 
جەپێ  کۆتەنا ، دەس ، گێرە باڵم ، با ئێشــێ
تەرســاوو ، شــەرم کەرانێ
هاوارەکێ  من بەرزتەر ، جە وێشـــا ، هیچ
دەنگشــا نیا
 ســەروو  مەردەیۆ ، چی ، نما ، کریۆ  کــە
بانگش  نــیا
 زامم ، جە ، داونێش ، خۆ گۆرە  تەرا تۆ سـزاش
مدەی ، سەروو ، ئێشــەکێش
هەڵسـێ ، چەمەکام ، جوەشــا ، بەســتەوو ،فرەتەرێنێ
جە ، ســـەر چەمەکێش
ئالوودە ، مەبو ، ئەپا  چێواوە ، هنێ وێم 
نــەبــا
ڕەفێقێ کۆنێ  ئازیزتەرێنێ ، ئەگەر تازەکێ ،
زەریف تەرێچ بـــا

.......

دڵ ڕەقەنی ، دەم  و متۆ  ، هەڵسەکامۆ
 خەمێ ،  تەڕێم  ، پنە مووەری
 تۆ ، زوان ، و  من مەزانی  و
 عومروو ، بێکەسیم درێژ کەری
  ئەگەر ، ڕەنگۆ ،  هاوارەکام ،  ڕەنگە  کریێ
  گردوو ، ڕاکا ، ســـیاوێ ، بێنێ
  نووکو ، خامێم  تکێ تارێش ، پۆ  ،چۆڕیارەو
  وەڵێ ، مەرگیم ، وێم ، مرێنێ
.....
ئارۆ دیەیم ،گۆشـۆ  جوێنە
وەختێو  بەنگا  هۆرکەرینی 
چن ، بەنازۆ ، چن ، بەشـەرمۆ
چێرو چەمانە ، دیینی
    
 فرە ، گێڵانێ  پێ ، قسێوێ
 بەهانە بۆ  ، چنیت کەرو
لچێ وشکێ ،زوان لاڵ ،  و
دەسێچ مەردێ سڵام کەروو

خەمێم ، چنی ، لەترێ مدا
لەرێچ ، کۆتەبێ ، درەختەکا
ئەجیام ، شـەماڵ ، هورش کەردەن
کەچی ، وەشیێ ، تۆ هۆر پڕا

جار ،جار ، پژگ ، و ئاوۆ بەنگای
 پۆ زوڵفاتۆ ، وێش گێرۆوە
 نیگا کەردێت قورسبێ لامۆ
 کەبریسکەکەش پێم گێڵێوە
.....

جەلادەکەم
من قوربانی و هیچ  مەتەرســوو‌
ئەچا قەمێ کەوستێنەت سەرو ملیم
من مەلەرزوو
شـــانەش بێخەم 
یاوو مەگێرۆم پێســـە درەختوو ئی هامنیە
مدیوۆ شــۆنۆ گەڵا سۆتەکا وێشەرە
 شـــانەش بێخەم
 بەڵام
 نمازوو ڕۆحم ســـەرو لچامۆ گوزەر کەرۆ
 هەر ڕوبەڕوو
 هەتا  دەمم  تف دارۆنە
 ئۆ سەرا دەسەڵاتی کوردیش کەرونە
 شــــــانەش بێخەم