ناوەندی ڕاگەیاندنی هێزەکانی سوریای دیموکراتیک (قەسەدە) بڵاویکردەوە، "یەکە تایبەتەکانمان لە شارۆچکەی هۆل و لە نزیک  ڕۆژهەڵاتی کامپی هۆل چالاکییەکیان ئەنجامدا.

 لە ئاکامی ئەو چالاکییەدا شانەیەکی پێکهاتوو لە ٣ کەسییان دەستگیرکرد. ئەو شانەیە پارەی بۆ چەند شانەیەکی چالاکی داعش لە ناوچەکانی حەسەکە و ناوچە جیاوازەکانی باکوور و ڕۆژهەڵاتی سوریا دەنارد و سەرچاوەی دارایی بۆ دابین دەکردن".

ناوەندی راگەیاندنی قەسەدە ئەوەشی بڵاوکردووەتەوە، لە ئۆپەراسیۆنەکەدا دەستیش بەسەر چەک و کەلوپەل و بەڵگەنامەکانی ئەندامانی ئەو شانەیەدا گیراوە.

ژ.ت