بە پێی هەواڵێکی ئاژانسی هەواڵی هاوار، چەتەکانی ئەحراری شەرقییە لە ڕۆژی ٢٧ی نیساندا لە گوندی جقلەی وستای سەربە شێی هاووڵاتییەکی بەناوی حەیدەرمحەممەد ٣٣ساڵ تەمەن-یان ڕفاندووە. دوای ئەوەی کە بنەماڵەی ناوبراو بڕی ١٠٠هەزار لیرەی سووریان وەک فەدیە ڕادەستی چەتەکان کرد، ئازادکرا.

لەگوندی مەشالە-ی شەرای عەفرین ئاشکرا بوو کە هاووڵاتییەک بەناوی نەبیحە موستەفا و بووکەکەی لەلایەن چەتەکانەوە ڕفێندراون و چارەنووسیان نادیارە.

ڕاگەیەنرا کە لە گوندی حێبو-ی ماباتا هاووڵاتییەک بەناوی شەوکەت و عەبدوڵرەحمان بەرمەنجە لەلایەن چەتەکانی دەوڵەتی تورکیاوە ڕفێندراون. ئاشکرا بوو کە هاووڵاتییەکی تربە ناوی ئیبراهیم خەلیل خەڵکی گوندی بادینا لە ڕێکەوتی ٣ی گوڵانەوە ڕفێندراوە و چارەنووسی نادیارە.

سەرچاوە خۆجێییەکان لەهەرێمەکە ڕایانگەیاند کە چەتەکانی دەوڵەتی تورک لە ڕێکەوتی ٨ی گوڵانەوە لە گوندی جۆپ هەڵیانکوتایە سەرماڵی دوو هاووڵاتی بەناوەکانی عوسمان نووری موستەفا ومؤەمەد حەمدووش و دەستیانگرت بەسەرمەڕوماڵات و ژنراتۆری کارەبای ماڵەکانیان.

هەروەها لە گوندی قەدیح-ی ڕاجۆ چەتەکان بۆئەوەی گوندییەکان بڕۆنە سەرعەردەکانی خۆیان داوای یەک میلیۆن لیرەی سوورییان وەک باج کردووە.

چەتەکانی سولێمان شای سەربەدەوڵەتی داگیرکەری تورک لە ناوچەی شێی و گوندەکانی دەستیان گرتووە بەسەر١٠٪ بەرهەمی هاووڵاتیاندا.

لە گوندی جوقای عەفرین چەتەکانی فیرقەی حەمزە لەهەرهاووڵاتییەک بڕی ٥٠٠ لیری سووری وەک باج وەردەگرن.

ک-ش