نوسینگەی یاسایی سەدە بۆ ئەوەی بتوانێت چاوی بە موەکیلەکەی خۆی واتە رێبەری گەلی کورد عەبدوڵا ئۆجالان بکەوێت داواکاری گشتیی کۆماری بورسا و بەڕێوەبەرایەتی زیندانی ئیمراڵی بەسەرکردەوە.
لە پارێزەرانی نوسینگەی یاسایی سەدە رەزان ساریجا، رازیە ئۆزتورک، فایەق ئۆزگور ئەرۆل و مەزڵوم دینج بۆ ئەوەی بتوانن دیدار لەگەڵ رێبەری گەلی کورد عەبدوڵا ئۆجالان ساز بکەن، کە سێ ساڵە هیچ زانیارییەک لە بارەیەوە نازانرێت، سەردانی داواکاریی گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
پاڕێزەران بۆ بینینی هەر یەک لە عومەر زەیری کۆنار، حامیلی یڵدرم و وەیسی ئاکتاشیش کە لە زیندانی ئیمراڵین، داواکارییان پێشکەش بە داواکاریی گشتی و بەڕێوەبەرایەتی زیندانی ئیمراڵی کرد.
ژ.ن
