چالاکی شەرمەزارکردنی قەیوم لە ناوچەی ئاکدەنیزی مێرسین بەردەوامە. گەنجان دوێنێ شەو لە گەڕەکی یەنیپازار ڕژانە گۆڕەپان، ئاگریان کردەوە و بڕیاری سەپاندی قەیومیان شەرمەزار کرد.

لە کاتی شەرمەزارکردندا پۆلیس بە ئۆتۆمبێلی زرێپۆش لە گەنجێکی ٢٠ ساڵی بە ناوی فورکان ئۆزەن دا. پاشان پۆلیس ئەشکەنجەی ئۆزەنی دا و دەستبەسەرکرا. لە هەمانکاتدا پۆلیس هەڕەشەی "هەمووتان دەگرین" لەو هاوڵاتیانە کرد کە وێنەیان دەگرت بە مۆبایلەکانیان.

زانرا کە قاچی ڕاستی ئۆزەن گورزی سەختی بەرکووتووە و بەو دۆخەوە براوەتە بەڕێوەبەرایەتی ئاسایشی شارەکە.