رۆژنامەوان نازم دەشتان و جیهان بیلگین لە کاتی رووماڵکردنی پەرەسەندنەکانی باکور و رۆژهەڵاتی سوریا لە ئەنجامی هێرشی فڕۆکەیەکی بێفڕۆکەوانی دەوڵەتی تورک شەهیدبوون. کوردستانیان لە وڵاتانی ئەوروپا لە دژی تیرۆرکردنی رۆژنامەوانان و هێرشە داگیرکەرییەکانی سەر باکور و رۆژهەڵاتی سوریا رژانە شەقامەکان.

پاریس

لەناوچەی سانت- جێنێڤیڤ-دێس- بۆیسی پاریس رێپێوانێکی جەماوەری لە دژی هێرشەکانی دەوڵەتی تورک بۆ سەر کۆبانێ و تیرۆرکردنی رۆژنامەواننی راگەیاندنی ئازاد نازم دەشتان و جیهان بیلگین شەرمەزارکرا.

لە چالاکییەکەدا دروسمەکانی وەک "ئەردۆغانی بکوژ"، "تورکیای تیرۆریست"، "شەهید نامرن" و "ژن، ژیان، ئازادی" وترانەوە.

لە راگەیەندراوێکدا جەخت کردەوە کرایەوە، کە بەرخودانی کۆبانێ دەرگای کوردستانی ئازاد دەکاتەوە. داواشکرا لەپێناو کۆبانێی ئازاد و کوردستانی ئازاد هەموان راپەڕن.

کۆڵن

لە شاری کۆڵنی ئەڵمانیا تیرۆرکردنی رۆژنامەوانان نازم دەشتان و جیهان بیلگین لە رێگەی گردبوونەوەیەکەوە شەرمەزار کرا و راگەیەندراوێک خوێندرایەوە. کۆبوونەوەکە لە بەردەم دێری دۆمێ سازکرا. لە گردبوونەوەکەدا وێنەی نازم داشتان و جیهان بیلگین بەرزکرایەوە و بێ وچان دروشمەی "ئەردۆغانی بکوژ" وترایەوە.

وینتێرتور

لەناوەندی شاری وینتێرتوری سویسرا تیرۆرکردنی رۆژنامەوانان شەرمەزارکرا.

لەچالاکییەکەدا بێ وەستان دروشمەکانی "شەهید نامرن" و "راگەیاندنی ئازاد بێدەنگ ناکرێت" وترانەوە.

لۆزان

لە شاری لۆزانی سویسراش تیرۆرکردنی رۆژنامەوانان و هێرشە داگیرکەرییەکانی سەر هەرێمەکانی باکور و رۆژهەڵاتی سوریا شەرمەزار کران. لە چالاکییەکەدا وێنەی رۆژنامەوان نازم دەشتان و جیهان بیلگین بەرزکرانەوە.

نیکۆسیا

لە شاری نیکۆسیای قوبرس تیرۆرکردنی خەباتکارانی راگەیاندنی ئازاد نازم دەشتان و جیهان بیلگین لە سەر دەستی دەوڵەتی تورکی داگیرکەر، شەرمەزارکرا.

لە چالاکیەکەدا راگەیەندراوێک بە زمانی ئینگلیزی خوێندرایەوە و چالاکوانان توڕەیی خۆیان لە دژی دەوڵەتی تورک بە وتنەوەی چەندین دروشم دەربڕی.

چالاکییەکە لە بەردەم شارەوانی نیکۆسیا بەڕێوەچوو، میدیای قوبرس گرنگی زۆری بە چالاکیەکەدا و چەندین بابەتیشیان لەسەر هێرشەکانی دەوڵەتی وترک و تیرۆرکردنی رۆژنامەوانان بڵاوکردەوە.