سکرتێرو گردی فیدراسیۆنو مییاننەتەوەیی رۆنامەوانا ئەنتۆنی بێلانگێڕ باسش چانەیەکەرد کە رۆنامەوانا نازم دەشتان و جیهان بیلگینە راسەوخۆ کریێنێ مەرام و داواش کەردە ئەوەکۊڵیای چا ڕووەدایە بکریۆنە و ئانێ تلیێنۍ چۆوە دادگایی بکریا.
ناڕەزایەتیەکۍ وەرا وەرو تیرۆرکەردەی رۆنامەوانا نازم دەشتانی و جیهان بیلگینە جەلایەنو دۆڵەتو تورکیۆ، تامێ سەرو ئاستو جەهانی وەرفراوانتەر بۆنە. سکرتێرو گردی فیدراسیۆنو مییاننەتەوەیی رۆنامەوانا (IFJ) کە ٦٠٠ هەزار ئەندامێش هەنێ، ئەنتۆنی بێلانگێر جەبارەو تیرۆر کەردەی ئا رۆنامەواناوە قسێش پەی ئاژانسو هەواڵو فوراتی (ANF)ی کەردۍ.
مشۆم ۋنە پەرسایۆ بکریۆنە"
سکرتێرو گردی بێلانگێڕ ئانەش وست ڕووە کە پێسەو فێدراسیۆنەکەیشا بەمەڵامەتو گەشمەرڏەبییەو رۆنامەوانا نازم دەشتان و جیهان بیلگینێوە شۆکێ بیێنێ و واتش، "سەرەوەشی جە هامپیشەکام، بنەیانەو ئا دووە رۆنامەنوویسا و گردوو رۆنامەنوویسەکا چا مەنتیقەنە مکەرو. پێسەو فیدراسیۆنو مییاننەتەوەیی ئا هرووژمەیە پەی سەرو هامپیشەکاما شەرمەزار مکەرمێ و ماچمێنە مشۆم دەمودەس هرووژم بەرێ ۋەنەپەرسایۆیشا چنی بکریۆنە. بەتایبەت مشۆم حکومەتی تازە جە سوریانە ئەوەکۊڵیای سەرو کوشتەی ئا دووە رۆنامەنوویسەیە بکەرۆ؛ بانگەوازما پەی دادگاکا ئانەن کە بکەرا ئا تاوانۍ بێزاوە و سزاشا بڎانە. پێسەو فیدراسیۆنی مییاننەتەوەیی رۆنامەوانا ئەرکو ئێمە ئانەن کە دادپەروەری جەبارەشاوە چەسپنمێ".
'ئاڎیشا تەنیا جیانمازمێ'
سکرتێرو گردی فیدراسیۆنو مییاننەتەوەیی رۆنامەوانا ئانەش وست ڕووە پێسەو فیدراسیۆنەکەیشا پەی چەسپناو دادپەروەری ئەرەکۆشانە و پی جۆرە بەردەوام بێ، "ئەر تورکیایچ و سوریایچ دەس بە وەنەپەرسایۆ نەکەرا، ئانە بۆنە بە مایۍ پاشێلکەردەو یاسا مییاننەتەوەییەکا. چا روۆ مکریۆ ئا وڵاتۍ سزا بڎریانە و بە تایبەتی جەلایەنو نەتەوەیۆگێرتەکاوە سزا بڎریانە. گرنگا وچیۆ کە رۆنامەوانا پێسەو مەدەنییەکا بە پاو یاسا مییاننەتەوەییەکا مشۆم پارێزیانە. حەجگیز بنەیانەو هامپیشە گیانبەخشایەکا بە تەنیا جیا نمازمێنە تاچەسپاناو دادپەروەری، هەوڵەکاما گێرمێنەوەر".
