ئوزدەمیر لەسەر هەڵوێستی ئەمریكا بەرامبەر بە هێرشەكانی دەوڵەتی تورك وتی: هەڵوێستی ئەمریكا شتێكی ئەخلاقی نیە. بەم بێ هەڵوێستی و بێدەنگیەی وڵاتان لەم چەند رۆژەدا، ئەوان بەرپرسیارن لە پێشێلکاریەکانی دەوڵەتی تورك كە لە رۆژئاوای كوردستان ئەنجامی دەدات و بووەتە هۆی ڕشتنی خوێنی خەڵکی سڤیلی ئەو ناوچەیە.
ئوزدەمیر لە بارەی هەڵوێستی ئەورۆپا بەرامبەر بە داگیركاریەكانی دەوڵەتی تورك بۆ سەر باكوور و ڕۆرهەڵاتی سوریا ڕایگەیاند، لە بەرامبەر پێشێلکردنی مافی مرۆڤ بە شێوەیەكی دڕندانە لە لایەن دەوڵەتی توركەوە، ئەورۆپا بێ هەڵوێستە و ئاماژەی بەوەشدا لە سەرێكانی كاروانێكی ئۆتۆمۆبیلی خەڵكی سڤیل بۆردومان كرا. سیاسەتمەداری كورد ئەڤرین خەلەف شەهید كرا. پێویستە یەكێتی ئەورۆپا ئەم تاوانانە ببینێت و هەڵویستی هەبێت و فشاری زیاتر بخاتە سەر رژێمی تورك. ئەردۆگان پێدەكەنێت و هەڕەشە لە ئەورۆپا دەكات. "
لە درێژەی قسەكانی دا ئوزدەمیر ئەوەی خستەڕوو،"من لەگەڵ پارێزەرانی هاوڕێم داوامان لە یەكێتی ئەورۆپا كردووە كە بەیاننامەیەكی شەرمەزاركردن بڵاو بكەنەوە كە توركیا پەیمانی نێودەولەتی پێشێک كردووە و داوای لێ بكرێت كە كۆتایی بەم دایگركاریە بهێنێت و سوپاكەی لە سوریا بكشێنێتەوە. هەروەها لەسەر ئاستی نێودەوڵەتی ئابلۆقەی فرۆشتنی چەك لەسەر توركیا دابنرێت. مافی ئۆتۆنۆمی بدرێت بە كورد و لە لایەن 5 ئەندامی هەمیشەیی ئەنجومەنی ئاسایشەوە مسۆگەر بكرێت. هەروها گیراوانی داعش كە لە گرتووخانەكانی ناوچەكە دەستبەسەرن لە دادگایەكی نێودەوڵەتی دادگایی بكرێن."
ئۆزدەمیر لە بارەی هەڵوێست و یەكدەنگی گەلی كورد لە دژی داگیركاریەكانی ڕژێمی تورك وتی: ئەم قۆناغە بۆ یەكێتی نەتەوەی زۆر گرینگە. من لە چالاكی و خۆپێشاندانەكاندا ئەمە دەبینم. لە سەرتاسەری كوردستان گەلی كورد لە سەر یەك ڕێڕەو ڕێ دەكات. كاتێك مرۆڤ ئەم دیمەنانە دەبینێت هەستێكی گەشمان دەداتێ.
ف.ق