شه‌ڕڤانێكی یه‌به‌شه له شه‌نگال شه‌هید بوو
یه‌به‌شه ڕایگه‌یاند شه‌ڕڤانێكیان له كاتی جێبه‌جێ كردنی ئه‌ركه‌كانی له شه‌نگال، له ئه‌نجامی ڕووداوێكدا شه‌هید بووه.
یه‌كینه‌كانی به‌رخۆدانی شه‌نگال - یه‌به‌شه ڕاگه‌یه‌نراوێكی بڵاوكرده‌وه و ڕایگه‌یاند، شه‌ڕڤانێكیان به ناوی «مه‌روان موراد قاسم» له كاتی جێبه‌جێكردنی ئه‌ركه‌كانی له شه‌نگال شه‌هید بووه.
ڕاگه‌یه‌ندراوی یه‌به‌شه:
هاوڕێمان مه‌روان مووراد به دڵنزمی، ڕۆحسوكی و ڕه‌فتاره‌كانی یه‌كێكه له‌و هه‌ڤاڵانه‌ی وه‌ك نموونه سه‌یر ده‌كرێن. به توڕه‌ییه‌كی گه‌وره‌ی شۆڕشگێڕانه، به توڕه‌یی و پیداگریی تۆڵه‌سه‌ندنه‌وه له به‌ره‌كانی پێشه‌وه‌ی به‌رخۆداندا به چه‌كی خۆی به‌شداری كردووه. به توڕه‌یی تۆڵه‌سێنانه‌ی خۆی له شه‌ڕدا، بۆ ئه‌وه‌ی تۆڵه‌ی ئێش و ئازاره‌كانی گه‌له‌كه‌یان له دوژمن بكه‌نه‌وه، بێ وه‌ستان و بێ ترس هه‌میشه له لایه‌ن هاوڕێكانی ده‌وروبه‌ری خۆی بووه به سه‌رچاوه‌ی مۆڕاڵ و خۆشه‌ویستی. به ڕه‌فتاره به‌ڕه‌حم و ڕه‌نجده‌رانه‌كه‌ی خۆی، ژیانێكی تێڕوپڕی له‌دوای خۆی جێهێشتووه.
شه‌هیدبوونی هاوڕێیمان مه‌روان بۆ ئێمه له‌ده‌ستدانێكی گه‌وره و به ئازاره. وه‌ك یه‌كینه‌كانی به‌رخۆدانی شه‌نگال سه‌ره‌خۆشی له خانه‌واده‌ی هاوڕێمان مه‌روان و هه‌موو گه‌لی وه‌ڵاتپارێز ده‌كه‌ین. ئێمه به‌ڵێنی درێژه‌دان به ڕێبازی شه‌هید و خاوه‌نداری كردن له‌و میراته‌ی به خوێنی خۆیان بۆ ئێمه‌یان جێهێشتووه ده‌ده‌ین.
ناسنامه‌ی شه‌هید:
ناسناو: مه‌روان موراد
ناو و پاشناو: مه‌روان موراد قاسم
شوێن و كاتی شه‌هیدبوون: شه‌نگال - شوباتی ٢٠١٨
ش. م
