له ئیزمیر ١٢ كه‌س ده‌ستگیر كران
پۆلیسی ڕژێمی ئاكه‌په به‌یانیی ئه‌مڕۆ له ئیزمیر هه‌ڵیكوتایه سه‌ر ماڵی چه‌ندین ئه‌ندامی پارتیی دیموكراتیی گه‌لان (هه‌ده‌په) و پارتیی هه‌رێمه دیموكراتییه‌كان (ده‌به‌په). ڕاگه‌یه‌نرا ١٢ كه‌س ده‌ستگیر كراون.
پۆلیسی تورك به‌یانیی ئه‌مڕۆ له ناوچه‌كانی مه‌نه‌مه‌ن و عه‌لی ئاغا-ی سه‌ر به شاری ئیزمیری توركیا هه‌ڵیكوتایه سه‌ر ماڵان و ١٢ كه‌سی ده‌ستگیر كردن.
ده‌ستگیركراوان كه بریتین له: هاوسه‌رۆكی ده‌به‌په له ناوچه‌ی مه‌نه‌مه‌ن ته‌یفوور باهشی، به‌ڕێوه‌به‌ری هه‌ده‌په له ئیزمیر ئابیزه‌ر یڵماز، محه‌مه‌د ئه‌مین ئایدن، عه‌گید ئۆزه‌ر، زه‌ینی یوكسه‌ل و كه‌سێك به ناوی شێخمووس برانه به‌ڕێوه‌به‌رایه‌تیی ئاسایشی ئیزمیر.
s.m
