ئیلهام ئەحمەد سەرۆکی دەستەى بەڕێوەبەری ئەنجوومەنی سوریای دیموکراتیک (مەسەدە - MSD) و قەدری جەمیل سەرۆکی حیزبی ئیرادەی گەل لە شاری مۆسکۆی پایتەختی رووسیا کۆبوونەوەیەکى هاوبەشی رۆژنامەوانییان رێکخست و رایانگەیاند، لەسەر چارەسەریی سیاسی لە سوریا رێککەوتننامەیەکیان واژۆ کردووە.

قەدری جەمیل رایگەیاند، رێککەوتنەکە لەگەڵ مەسەدە بۆ چارەسەری سوریا نمونەیی و مۆدێلێکى گرنگە.

ئیلهام ئەحمەدیش وتی "هیودارین هەموو لایەنەکان لە سوریا لە بریی چارەسەریی سەربازی قورسایی بخەنە سەر چارەسەریی سیاسی. دەبێت ئیدی کۆتایی بە ناتەبایی و نارێککەوتنی و شەڕ بهێنرێت و ئەوانەى ئاوارە و کۆچبەر بوون بگەڕێنەوە سەر ماڵ و حاڵی پیشووی خۆیان".

ژ.ت