کوردستانیان و دۆستەکانیان لە ئەڵمانیا، یونان، فەرەنسا، بەریتانیا، قوبرس، ئیتالیا، نەمسا و دانیمارک رژانە سەر شەقامەکان و هێرشی دەوڵەتى تورکیایان بۆ سەر شەنگال ئیدانەکرد.
کوردستانیان لە چالاکییەکیاندا لە دواى خولەکێک بێدەنگی و رێزگرتن لە شەهیدان، وێنەکانى عەبدوڵا ئۆجالان رێبەرى گەلی کورد، مام زەکى شەنگالی، ئاڵاکانى یەبەشە و یەژەشە، پەکەکە، یەپەگە، یەپەژە و کەجەکە-یان بەرزکردبووە و دروشمەکانى "بژی سەرۆک ئاپۆ" و "شەهید نامرن" و "بژی بەرخۆدانى شەنگال"یان دەوتەوە.
لە چالاکییەکاندا راگەیاندراو بڵاوکراوە بە ناو ئامادەبوان و هاووڵاتییانى دەورووبەرى چالاکییەکاندا دابەشکران و بە خوێندنەوەى راگەیاندراو هێرشی دەوڵەتى تورکیایان بۆ سەر شەنگال ئیدانە کرد. خۆپیشاندەران جگە لە ئیدانەکردنى فاشیزمى دەوڵەتى تورکیا راشیاندەگەیاند، خیانەت لە بەڕێوەبەرانى باشووری کوردستان قبوڵ ناکەن و دەبێت یەکێتیى گەلی دروست بکرێت.
یونان و قوبرس
کوردستانیان و دۆستەکانیان لە شاری لاڤیرۆی یونان و لیماسۆلی قوبرس چالاکییان بەڕێوەبرد و هێرشى تورکیایان بۆ سەر شەنگال ئیدانەکرد.
فەرەنسا
هاوکات لە شارى پاریسی پایتەختى فەرەنسا و شاری تۆولۆسی ئەو وڵاتە لەلایەن کوردستانیان و دۆستەکانیانەوە خۆپیشاندان بەڕێوەچوون و هێرشى دەوڵەتى تورکیاى داگیرکەر بۆ سەر شەنگال ئیدانەکرا.
پاریس
تۆولوس
نەمسا و دانیمارک
لە شارى ڤییەناى پایتەخى نەمسا و شارەکانی لینز و گراز لە وڵاتى نەمسا و هەروەها لە شاری ئیشایتی وڵاتى دانیمارک خۆپیشاندان و ناڕەزایەتى لە دژى هێرشى دەوڵەتى تورکیا بۆ سەر شەنگال بەڕێوەچوون.
ئەڵمانیا
لە شارەکانى بەرلین، دۆسلدۆرف، هامبورگ و مانهایم زنجیرە چالاکییەک لە دژى هێرشىى دەوڵەتی فاشیستیى تورکیا بۆ سەر شەنگال بەڕێوەچوون.
بەرلین
مانهایم
هامبورگ
بەریتانیا و ئیتالیا
لە بەردەوامیى ئەو چالاکییانەدا لە شارى لەندەنى پایتەختى بەریتانیا و لە شاری بۆلزاندۆی ئیتالیا چالاکی بۆ ئیدانەکردنى هێرشى دەوڵەتى داگیرکەرى تورکیا بۆ سەر شەنگال ئیدانەکرا.
لەندەن
ر.م