پۆلیس هێرشی کردە سەر چالاکوانانی بەردەم نەخۆشخانەی سەعید کۆنوکی باکرکوی ئەستەنبوڵ کە ئەبرۆ تیمتیک لەوێ خەوێنراوە. چالاکوانان بۆ پشتگیریکردن لە ئەبرو تیمتیک و ئایتاچ ئونسال چالاکیان ئەنجامدا کە بۆ دادوەروەری دەستیان بە چالاکی مانگرتن لە خواردن کردووە. هێزە ئەمنیەکان بە بیانووی ئەوەی لەسەر تیشێرتی چالاکوانان نووسینی ' ئازادی بۆ ئەبرو و ئایتاچ پارێزەرانی گەل' هێرشیان کرد و چالاکوانانیان بە لێدان دەستگیرکرد.

لەناو دەستگیرکراوەکاندا یڵدرم دەنیز خاڵی ئەبرو تیمتیک و فەرەیدون عوسمانئۆغلۆ ئەندامی تایاد هەیە کە تەمەنی ٧٠ ساڵە. پۆلیس هێرشی کردە سەر ڕۆژنامەنووسانیش و کۆتاییان بە چالاکیەکە هێنا.

ف.ق