سوپای عێراق سەرلەبەیانی ئەمڕۆ بە ئۆتۆمبێلی زرێپۆش، شۆفڵ و هێزی تایبەتی هەوڵیاندا بچنە ناو کەمپی پەنابەرانی شەهید رۆستەم جودی (مەخمور) و ویستیان چواردەورەی کەمپەکە تەلبەند بکەن.

بەوهۆیەوە هاووڵاتیان چوونە بەردەمیان و رێگەیان لە ئۆتۆمبێلە زریپۆشەکان گرت و خێمەیان هەڵدا.

لەم ساتەدا خەڵکی مەخمور بەبەر بارانەوە خۆڕاگری دەکەن.

ئەو دایکانەی لە شوێنەکە ئامادەن هەڵوێستی خۆیان دەربڕی و وتیان، کە ئەوان ٢٣ ساڵە پەنابەرن و تائێستا زیانیان بە کەس نەگەیاندووە و ئەوە قەبوڵ ناکەن.

یەک لە دایکانی بەشداری چالاکییەکە وتی، "ئێمە خۆڕاگری دەکەین، تا ئەو کاتەی ئەوان دەڕۆن".

دایکێکی تر وتی، "لە کاتژمێر ٠٥:٠٠ی سەرلەبەیانیەوە بە گوڕ و تینەوە لە سەر پێین. خەڵکەکەمان هەموویان لەبەردەم ئۆتۆمبێلە زریپۆشەکاندا خۆیان کردووەتە قەڵغان. ئەوە قەبوڵ ناکەین. تالێرە بن ئێمەش خۆڕاگری دەکەین".

بەرخودانی گەل لە ناوچەکە بەردەوامە.

هـ . ب