فڕۆکە جەنگییەکانی دەوڵەتی داگیرکەری تورک چەند گوندێکی لە شارۆچکەی برادۆست سەر بە ئیدارەی سۆران بۆردوومان دەکات، ئەوانیش بریتیین لە گوندەکانی بێرکمە و بنقەڵات و تارستا و چیایی کونە کۆتر.

بۆردوومانەکە زیانی بە ماڵ و موڵکی دانیشتووان گەیاندووە.

هەر ئەمڕۆش، فڕۆکە جەنگیەکانی داگیرکەری تورک، چەند جارێک چیای کورەژاری لە سنووری شیلادزێ بۆردوومان کرد، بۆردوومانەکە ترس و دڵەڕاوکێی لای گوندنیشینان دروستکردووە و هێشتا قەبارەی زیانەکان ئاشکرا نەبوون.

دەوڵەتی داگیرکەری تورک، ڕۆژانە هێرش دەکاتە سەر ناوچە جیاجیاکانی باشوری کوردستان، ئەم هێرشانە کوژران و برینداربوونی دەیان هاوڵاتی سڤیلی لێ کەوتۆتەوە.