فڕۆکەکانی دەوڵەتی تورکی داگیرکەر ناحیەی بامەڕنێی سەر بە دهۆکیان بۆردومان کرد. لە ئەنجامدا عەلی جەمیل کەلاش کە خيڵکی ناحیەی باتوفا بوو ژیانی لەدەستدا و کەسێکی دیکەش برینداربوو.

دەوڵەتی تورکی داگیرکەر بە تەقەمەنی قەدەغەکراو، گازی کیمیایی و درۆنی بۆمبڕێژکراو هەرێمەکانی پاراستنی مێدیا بۆردومان دەکات و زیانی زۆر بە مەدەنیەکان دەگەیەنێت.

ناوەندی راگەیاندن و چاپەمەنی هەپەگە لە راگەیەندراوی ٢ی کانونی یەکەمدا رایگەیاندبوو، کە گوندەکانی ناو هەرێمەکانی پاراستنی مێدیا و گۆڕەپانەکانی گەریلا لە ٣٠ی تشرینی دووەم تا ١ی کانونی یەکەم لەلایەن سوپای تورکەوە ٣٩ جار بە فڕۆکەی شەڕ بۆردومان کراون و لەو بۆردومانانەدا زیان بە رەز و باخ و ماڵوحاڵی هاووڵاتیانی مەدەنی گەیشتووە.

هـ . ب