حدکا: ٢ پێشمەرگە لە هێرشی هێزەکانی ئێران دا شەهید بوون
حیزبی دیموکراتی کوردستانی ئێران (حدکا) ڕایگەیاند، ٢ پێشمەرگەیان لە هێرشەکانی هێزەکانی دەوڵەتی ئێران دا شەهید بوون.
دەوڵەتی ئێران بەرەبەیانی ئەمڕۆ بە فڕۆکەی بێفڕۆکەوان و موشەک هێرشی کردە سەر بنکەکانی حیزبی دیموکراتی کوردستانی ئیران (حدکا) و کۆمەڵەی زەحمەتکێشانی کوردستانی ئێران لە باشووری کوردستان.
حیزبی دیموکراتی کوردستانی ئێران لەبارەی ئەو هێرشانە بۆ سەر بارەگاکانیان لە کۆیەی سنووری پارێزگای هەولێر ڕاگەیارندراوێکی بڵاوکردەوە.
لە ڕاگەیەندراوەکەدا حدکا دا هاتووە: "٢ پێشمەرگە بە ناوەکانی ڕێبوار عەبدی و ئاسۆ توانا شەهید بوون و ٨ کەسی دیکەش برینداربوون".
ژ.ت
