سەرچاوەکانی هەواڵی ڕۆژهەڵاتی كوردستان بڵاویان كردووەتەوە، دوێنێ بە شێوەیەكی نایاسایی هێزێكی ئەمنیی هەڵیانكوتاوەتە سەر ماڵی كیومەرس ئەمیری و دۆخێكی تۆقێنەریان خوڵقاندووە.

ئاماژە بەوەش كراوە، دوای هەڵكوتانە سەر ماڵەكەی، لە وەڵامی بەڵگەی دادوەر بۆ پشكنین، هێزە ئەمنییەكان نامەیەكی ناڕوونیان پیشان داوە.

ئەوەش باسكراوە تەواوی ماڵەكە و كەلوپەلی تایبەتییان پشكنیوە و دۆخێكی مەترسیداریان درووست كردووە.

كیومەرس ئەمیری شاعیر و نوسەر و توێژەری دیاری كورد بە لەك ئەمیر ناسراوە و زۆرینەی شیعرەكانی بە زاراوەی لەك دەنووسێت و خاوەنی دوو كۆمەڵە چیرۆكە بە ناوەكانی شینێك بۆ تۆ و گۆڕستانی بەستوو.

هـ . ب