جیلۆفێست و خیانەتی لەبیرچوونەوە
دەبێت گەنجانی کورد بەرامبەر هەوڵەکانی سڕینەوەی یادگە و لەبیرکردنەوەی مێژووی کوردان بوەستنەوە. دەبێت بزانن لە بیرکردن خیانەتە و بەو جۆرە بژین.
کاتێک گەلێک خاوەنداری لە شەهیدانی نەکرد ئەو کاتە، کەسایەتی خۆی لە دەست دەدات. گەلێک ئەو کاتەی نەتوانێت ئەو خاکەی شەهیدانی تێدا بە خاکسپێردراوان بپارێزێت، لەو کاتەدا هەبوونی خۆی لەدەست دەدات.
هەرچەندە ئەوەش قەبوڵ نەکەین، وەک گەلی کورد ئەمڕۆ رووبەڕووی ئەوەین. دەوڵەتی تورک لە دۆڵی نەواڵی قەسابان بیناسازی دەکات و ئەگەر بەرامبەر بەوە بێدەنگ بین ئەو کاتە چۆن دەتوانین ئامانجی عەگیدەکان بێنینەدی؟ لە چارچێلا و جودی کە لە تێکۆشانی ئازادیی ٥٠ ساڵەی کوردستاندا بە سەدان گەریلای لە ئامێزیدا شاردووەتەوە، وەک ئەوەی خوێنی قارەمانانی تێدا نەڕێژرابێت، ئەگەر دەوڵەتی تورک بتوانێت 'ئاهەنگ'ی تێدا ساز بکات، ئەو کاتە شتێک لە رۆحی ئێمەدا کەمبووەتەوە. ئایا ژنان و منداڵانمان کە لە تەنیش گۆلی سات لێپرسینەوە دەکەن؟ ئایا بازەکانی شاخی سومبول ناتوانن لێپێچینەوە بکەن؟ ئەگەر هیچ کەسێک لێپرسینەوە نەکات ئەو کاتە مێژوو دادگاییمان دەکات.
هه‌روه‌ها باڵه‌خانه‌كانی نه‌واڵی قه‌سابان له‌لایه‌ن كه‌سێكه‌وه، كه "به ڕه‌چه‌ڵه‌ك كورد"ه دروست ده‌كرێن. ئه‌وه‌ی ئه‌مڕۆ له نه‌واڵی قه‌سابان، جیلۆ، چارچێلا، گابار، جودی و سوور ده‌كرێت، به‌شێكه له سیاسه‌تی جینۆساید. هه‌وڵدانێكه بۆ له‌نابردنی مێژووی كورد و یادگه‌ی مێژوویی، هه‌وڵدانێكه بۆ له‌بیركردنی ئه‌وانه‌ی قوربانیان داوه. چه‌نده به‌ئازار و مه‌ترسیداره! نه‌خێر، ئێمه نه له‌و دۆخه‌داین و نه ده‌كه‌وینه ئه‌و دۆخه‌وه. قاره‌مانمان هه‌یه كه خۆڕاگری ده‌كه‌ن و داستانی قاره‌مانێتی ده‌نووسن. ئه‌و دایكانه‌مان هه‌یه كه ئه‌وانیان گه‌وره كردووه.
پێویسته گه‌نجان ئاگاداری ئه‌ركی خۆیان بن. له دژی ئه‌و چالاكییانه‌ی كه به‌هاكان پووچه‌ڵ ده‌كه‌نه‌وه، وه‌ك فیستیڤاڵی "جیلۆفێست"، ده‌بێت ناڕه‌زایه‌تی ده‌ربڕن. كاتێك ئه‌م ده‌ستوه‌ردانه كلتوورییه له چیاكانی كوردستان ده‌بینن، با به‌رخۆدانه‌كانی نێو تونێله‌كانی شه‌ڕ به‌بیرتان بێته‌وه. كاتێك فستیڤاڵی "جیلۆفێست" به‌ڕێوه‌ده‌چوو، له تونێله‌كانی به‌رخۆدانی شه‌هید دۆغان له زاپ، شه‌ڕزان ماوا شه‌هید بوو، نابێت ئه‌وه له‌بیر بكه‌ین. پێویسته بزانین كه له‌بیركردن خه‌یانه‌ته و به‌مجۆره بژین.
ژ.ن
