خەڵکی مەخمور لە تەمەنی ۷ بۆ ۷۰ ساڵی لە چالاکیی پاسەوانی و ئێشکگریدان

خەڵکی مەخمور لە تەمەنی ٧ ساڵی بۆ ٧٠ ساڵی لە دژی هەوڵەکانی سوپای عێراق وەستانەتەوە، کە دەیەوێت کامپەکە بکاتە کامپی گەمارۆدراوی کۆکردنەوەی مرۆڤەکان و هاوڵاتییانی کامپەکە لە دژی ئەو هەوڵە لە چالاکیی پاسەوانی و ئێشکگریدان.

سوپای عێراق ماوەی دوو ڕۆژە هەوڵدەدات دەوروبەری کامپی شەهید ڕوستەم جودی لە مەخمور تەلبەند بکات و بیکاتە شوێنێکی گەمارۆدراوی کۆکردنەوەی مرۆڤەکان.

بەرخۆدانی خەڵکی کامپەکە لە دژی ئەو هەوڵە بەردەوامە.

ژنان، گەنجان، منداڵان و بەساڵاچووانی کەمپەکە بە تەواوی لە بەرامبەر ئەو گوشارەدا وەستاونەتەوە و شەو و ڕۆژ لە چالاکیی پاسەوانی و ئێشکگریدان.

داواکاری دانیشتوانی کەمپەکە کشانەوەی سوپای دەوڵەتی عێراقە.

ژ.ت