كۆنگره‌ی گه‌ل: ئێمه تێكۆشان به گوڕتر ده‌كه‌ین
دیوانی هاوسه‌رۆكایه‌تی كۆنگره‌ی گه‌ل به بۆنه‌ی ساڵیادی پیلانگێڕی ٩ی تشرینی یه‌كه‌م راگه‌یه‌نراوێكیدا و باسی له‌وه‌كرد، "به دروشمی ئازادی جه‌سته‌یی رێبه‌ر ئاپۆ ئێمه تێكۆشان به گوڕتر ده‌كه‌ین".
دیوانی هاوسه‌رۆكایه‌تی كۆنگره‌ی گه‌ل بۆ ساڵیادی پیلانگێڕی ٩ی تشرینی یه‌كه‌می ١٩٩٨ كه به‌رامبه‌ر رێبه‌ری گه‌لی كورد عه‌بدوڵا ئۆجالان ئه‌نجامدرا، راگه‌یه‌نراوێكی بڵاوكرده‌وه.
راگه‌یه‌نراوه‌كه به‌م جۆره‌یه:
"له ٢٤هه‌مین ساڵیادی پیلانگێڕی ٩ی تشرینی یه‌كه‌مدا، ئێمه هێزه پیلانگێڕه‌كان كه له كه‌سایه‌تی رێبه‌ر ئاپۆدا ویستیان هیوای ژیانی ئازادی گه‌لی كوردستان له‌ناو ببه‌ن و پاكتاوی بكه‌ن، هه‌روه‌ها پشتیوانانی ئه‌و هێزانه به توڕه‌یی گه‌وره‌وه شه‌رمه‌زار ده‌كه‌ین. گه‌له‌كه‌مان و مرۆڤایه‌تی پێشكه‌وتنخواز هه‌رگیز ئه‌و هێزانه له بیر ناكه‌ن كه راسته‌وخۆ به‌شدارییان له هه‌وڵی قڕكردنی گه‌لی كورد كردووه. ئه‌و هێزه ئاماژه‌بۆكراوانه، به هۆی ئه‌و خراپه گه‌وره‌یه‌ی كه به‌رامبه‌ر گه‌لی كوردیان كرد، ته‌نیا به هه‌وڵدان بۆ ئازادی جه‌سته‌یی رێبه‌ر ئاپۆ ده‌توانن بكه‌ونه به‌ر لێخۆشبوون.
ئێمه شه‌هیدانی قاره‌مانمان كه به پێشه‌نگایه‌تی خالید ئۆراڵ و ئاینور ئارتان به دروشمی 'ئێوه ناتوانن رۆژی ئێمه تاریك بكه‌ن' ئاگریان له جه‌سته‌یان به‌ردا و به قه‌ڵغانێك له ئاگر رێبه‌ر ئاپۆیان پاراست، به‌م بۆنه‌وه به خۆشه‌ویستی، رێز و پێزانینه‌وه به بیریان ده‌هێنینه‌وه و به‌ڵێن دووباره ده‌كه‌ینه‌وه كه ئامانجه‌كانیان بهێنینه‌دی.
له قۆناغی پیلانگێڕی ٩ی تشرینی یه‌كه‌مدا له چوار پارچه‌ی كوردستان و ده‌ره‌وه‌ی وڵاڵات، گه‌له‌كه‌مان به‌ده‌وری رێبه‌ر ئاپۆوه كۆبووه‌وه، خاوه‌نداری له رێبه‌ر ئاپۆ كرد و تێكۆشانی بێ هاوتای به‌ڕێوه‌برد.
پیلانگێڕی نێونه‌ته‌وه‌یی كه ٩ی تشرینی یه‌كه‌می ١٩٩٨ ده‌ستیپێكرد و ١٥ی شوباتی ١٩٩٩ به راده‌ستكردنه‌وه‌ی رێبه‌رایه‌تی به ده‌وڵه‌تی تورك به‌رده‌وامبوو، به پێشبینی گه‌وره‌ی رێبه‌ر ئاپۆ و به تێكۆشانی شكۆمه‌ندانه‌ی گه‌ل و گه‌ریلا نه‌گه‌یشته ئامانجی خۆی.
به‌رخودانی بێ هاوتای رێبه‌ر ئاپۆ كه ٢٤ ساڵه له ئیمراڵی به‌رده‌وامه، تێكۆشانی گه‌ریلا له زاپ-ئاڤاشین-مه‌تینا و هه‌موو گۆڕه‌پانه‌كان كۆنسێپتی شه‌ڕی ده‌وڵه‌تی تورك به ته‌كنیكی شكست پێدا، حكومه‌تی فاشیستی ئاكه‌په- مه‌هه‌په‌ی كه پێداگره له‌سه‌ر پاكتاوی كوردان، هێناوه‌ته لێواری له‌ناوبردن.
فاشیزمی ئاكه‌په- مه‌هه‌په بۆ ئه‌وه‌ی نه‌ڕوخێت به‌رده‌وام هێرش ده‌كات، به‌ڵام ئه‌و هێرشانه‌ش ناتوانێت رێگه له رووخانی بگرێت. تا زیاتر خۆی ده‌جوڵێنێت، باشتر له ناو زه‌لكاودا رۆده‌چێت. ئه‌ندامی ناوه‌ندی لێكۆڵینه‌وه‌ی ژنۆلۆژی ناهیگان ئاكارسه‌ل كه له سلێمانی تیرۆر كرا، دوایین نمونه‌ی ئه‌وه‌یه.
گه‌له‌كه‌مان له هه‌موو گۆڕه‌پانێكدا بۆ ناگیهان ئاكارسه‌ل له‌سه‌ر پێیه. شه‌هید هێزی رۆحی گه‌له‌كه‌مانه. به شه‌هیدبوون تێكۆشان بچوك نابێته‌وه، باشتر گه‌وره ده‌بێت. ئه‌و نهێنیه‌ی فاشیزمی كوێر نایه‌وێت لێی تێبگات ئه‌مه‌یه.
سیاسه‌تی دوژمنكارانه‌ی ده‌وڵه‌تی تورك به‌رامبه‌ر به كورد، شه‌ڕ له دژیی گه‌لی كورد هۆكاری سه‌ره‌كی داڕوخانی كۆمه‌ڵایه‌تی، ئه‌خلاقی، سیاسی و ئابوری له توركیایه. به داواكاری شكاندنی ئیراده‌ی ئازادی گه‌لی كورد كۆمه‌ڵگای توركیایان هێناوه‌ته لێواری روخان.
حكومه‌تی ئاكه‌په- مه‌هه‌په له‌لایه‌كه‌وه داوای به‌هاناوه‌چوون له هاوپه‌یمانانی له ناتۆ ده‌كات، له‌لایه‌كی تریشه‌وه روو له پێنج هێزی شانگهای ده‌كات. هه‌روه‌ها ده‌چێته به‌ر ده‌رگای ئه‌و وڵاتانه (سوریا، ئیسرائیل، میسر، سعودیه و هتد) كه پێشتر سوكایه‌تی پێده‌كردن. ئه‌م دۆخه‌ش به‌شێوه‌یه‌كی دیار ئه‌وه ده‌خاته به‌رچاو كه ئاكه‌په – مه‌هه‌په زۆر ته‌نگه‌تاو بوون.
له به‌رامبه‌ر رێبه‌ر ئاپۆ و په‌كه‌كه شكستیان هێناوه. ئابوریان له‌ناوبرد، كه‌شتیه‌كه چه‌قیوه. له‌رووی ئه‌خلاقی و رۆحیه‌وه به خێرایی له‌ناو ده‌چێت. بۆ ئه‌وه‌ی رێگری له رووخان بگرێت وه‌ك دوایین هه‌وڵ هێرش ده‌كات.
له قۆناغێكی به‌م جۆره‌دا ژنان، گه‌نجان بۆ رووخاندنی فاشیزم بۆ ژینا ئه‌مینی و ناگیهان ئاكارسه‌ل هه‌ڵساونه‌ته سه‌ر پێ، گه‌له‌كه‌مان له چوار پارچه‌ی كوردستان و ده‌ره‌وه‌ی وڵات، گرینگه له‌گه‌ڵ هێزه دیموكراسیه‌كانی گه‌لانی رۆژهه‌ڵاتی ناوه‌ڕاست، ئاپۆییه ئینته‌رناسیۆناڵیسته‌كان و دۆستانیان به دروشمی ئازادی جه‌سته‌یی رێبه‌ر ئاپۆ ده‌بێت تێكۆشان به‌گوڕتر بكه‌ن.
بۆ گه‌له‌كه‌مان، ئاشتی له بری شه‌ر، دیموكراسی له بری گوشار و سته‌م، دادپه‌روه‌ری كۆمه‌ڵایه‌تی له بری برسێتی و هه‌ژاری، ده‌بێت ده‌رگاكانی ئیمراڵی بكرێنه‌وه، ئازادی جه‌سته‌یی رێبه‌ر ئاپۆ مسۆگه‌ر بكرێت. كات كاتی رووخاندنی فاشیزمه، كاتی سه‌رخستنی دیموكراسیه.
له‌سه‌ر ئه‌و بنه‌مایه، ئیمه داوا له هه‌موو كه‌س ده‌كه‌ین، كه ساڵی ٢٥ هه‌مینی پیلانگێڕی ٩ی تشرینی یه‌كه‌م به دروشمی ئازادی رێبه‌ر ئاپۆ به رۆحی ئاپۆیی به‌گوڕتر بكه‌ن.
هـ . ب
