ڕۆژی پێنج شەممەی ڕابردوو، لە ناحیەی خورماڵ، بە مەبەستی پاراستنی کلتوری خواردن و جلوبەرگ و کاری دەستی کوردەواری، هەروەها دابینکردنی بژێوی ژیانی خانمان و کاسبکاران، بازاڕێک کراوەتەوە و تا ئەمڕۆش بەردەوام بوو.

لە بازاڕەکەدا چەندین جۆری خواردنی کوردەواری و کاری دەستڕەنگینی خانمان، گیا و بەرهەمە خۆماڵییە کوردەوارییەکان بەشداربوون و پێشوازییان لە سەردانیکاران دەکرد.

بەشداربووانی بازاڕەکە باسیان لەوە دەکرد کە هەبوونی ئەم جۆرە ڤیستیڤاڵانە زۆر گرنگە بۆ بژێوی ژیانی ئەوان و پاراستنی کلتوریی هاوکاریی و پێکەوە کارکردن.