رێکخراوی لێبوردنی نێونەتەوەیی سەپاندنی سزای لەسێدارەدان بەسەر دوو چالاکوانی مافەکانی مرۆڤ زەهرا سدیقی و ئیلهام چوبداری بە توندی شەرمەزار کرد و داوای هەڵوەشاندنەوەی ئەو سزایە کرد.

رێکخراوەکە هەروەها تۆمەت و پاساوی "خراپەکاری لەسەر زەوی" کەبەسەر ئەو دوو زیندانییە راگیراوە لە زیندانی ناوەندی ورمێی بە ساختە و هەڵبەستراو پێناسەکردووە.

رێکخراوی مافەکانی مرۆڤ ئێران دوێنێ بە راگەیەنراوێک باسی لەوەکردبووکە پرۆسەی دادگایی کردنی زەهرا سدیقی و ئێلهام چوبدار نادادپەروەرانە بووە و سزای سەپێنراو بەسەر ئەواندا لەسەر بنەمای دانپێدانانی زۆرەملێ بووە.

ئەو رێکخراوە داوای هەڵوەشاندنەوەی سزای لەسێدارەدانی هەردوو ژنە زیندانیکراوەکەی کردووە و بانگەوازی لە کۆمەڵگای نێونەتەوەیی کرد کە لە بەرامبەری ئەو بڕیارەی سزادانە و شەپۆلی زیادبوونی رێژەی لەسێدارەدان لە ئێران کاردانەوە نیشان بدات.

هـ . ب