له پیرانشار دوو كاسبكار ده‌ستگیركران
زانرا كه ٣ رۆژ به‌ر له‌ئێستا هێزه‌كانی ئیتڵاعاتی ئێران له شاری پیرانشار دوو كاسبكاری كوردیان ده‌ستگیركردووه.
زانرا كه سێ رۆژ به‌ر له ئێستا له شاری پیرانشاری رۆژهه‌ڵاتی كوردستان ٢ كاسبكاری كورد به ناوه‌كانی كه‌ریم ئه‌بوبه‌كری ته‌مه‌ن ٣٦ ساڵ و ئیسماعیل ئه‌بوبه‌كری ته‌مه‌ن ٢٩ ساڵ له‌لایه‌ن هێزه‌كانی ئیداره‌ی ئیتڵاعاتی ئێرانه‌وه ده‌ستگیركراون.
هه‌روه‌ها سه‌باره‌ت به‌و دوو كاسبكاره‌ی كورده دوای ئه‌وه‌ی ده‌ستگیركراون و گواستراونه‌ته‌وه بۆ زیندانی شاری نه‌غه‌ده، راگه‌یه‌نراوه كه بۆ ئه‌وه‌ی بتوانن به شێوه‌ی كاتی ئازاد بكرێن ده‌بێت ٣ ملیار تمه‌ن وه‌ك بارمته دابنرێت.
له‌باره‌ی هۆكاری ده‌ستگیركردنیان هیچ زانیارییه‌ك رانه‌گه‌یه‌نراوه.
هـ . ب
